السلام عليكم معاكم عمر ف عرض جديد جبنالكم اليوما شقة محفظة كبيرة بزاف المساحة ديالها : 114 متر, كتواجد ف أفضل حي ف مدينة تطوان و اللي هوا الولاية و كتواجد فأفضل منطقة بالضبط على بعد 30 ثانية من التجمع التجاري اللي كيضم كارفور و المسبح و المقاهى و جاكوزي و صونا..
بالقرب من الشقة كاين مناطق خضراء فين يلعبو وليداتكم و كاين الأمان و النضافة ف هاد الحي.
اللي مزال ممشتارك ف قناة أمرتيل يشتارك دابا و متنساوش تشاركو العرض مع الأصدقاء و العائلة تقدر تعجبهم و يشريوها.
نخليكم مع ليلى تعطيكم المعلومات الكاملة د الشقة و فرجة ممتعة
السلام عليكم متتبعي شركة أمرتيل للتسويق العقاري كنتمنا تكونو بخير وعلى خيرمعاكم ليلى من طاقم شركة أمرتيل فعرض جديد لي غنقدموه ليكم من مدينة تطوان دات الطابع الاندلسي ويطلق عليها أيضا مدينة الحمامة البيضاء الشقة لي غنعرضو عليكم اليوم كتواجد بحي الولاية باقامة آمنة وهادئة كتوفر على كاميرا للمراقبة وباركينغ ومصعد الشقة كتواجد فالطابق الاول فعمارة مكونة من خمس طوابق وكل طابق كيتوفر على أربع شقق الاقامة قريبة على كل من مساجد,مدارس,محالات تجارية,الحدائق وصالات الرياضة ومركز التسوق كارفور.
الشقة جات ف عمارة سكنية للعائلات محروسة بالكاميرات و فيها العساس اللي كياخد 200 درهم شهريا
و كيما كتلاحضو العمارة عندها باركينك كبير الباب ديالو إلكتريك
مدخل الشقة: مدخل الشقة كيما كتشوفو معانا مجهز بطريقة جميلة وكيتوفر على خزانة متوسطة الحجم لوضع الاحذية .
الصالونات: فمدخل الشقة كنلقاو جوج صالونات مفتوحين على بعض وهذا الصالون الاول مجهز بطريقة عصرية جميلة بفطويات فاللون البني .
الصالون الثاني المساحة ديالو كبيرة مصبوغ بصباغة العنبرة فالبيج ومفرش على الطريقة التقليدية المغربية بألوان جميلة وكدلفت الانتباه بحال اللون الذهبي اضافة أن الصالونات التقليدية كتبرز الجمالية ديالها فالمساحات الكبيرة أما سقف الصالون فمزيم بزخرفة تقليدية من الجبس لي كيضيف منظر جميل وكيوالم التفريشة ديال الصالون.
هذا الكلوار لي كيدي للقسم الاخر من الشقة فالمدخل ديالو كنلقاو خزانة كبيرة وجميلة لي يمكن تستخدموها للديكورات الجميلة .
الغرفةالاولى: الغرفة الاولى مخصصة للوليديات بحكم المساحة ديالها الغرفة مجهزة بسرير مزدوج لطفلين وسرير لطفل واحد وأيضا كتوفر على مكتبين للاطفالوسرجم لي كيعطيها الاضاءة الطبيعية.
الحمام: كبير ومتيسع ومزلج من الارض حتى للسقف بزليج فاللون الازرق وكيتوفر على سرجم لي كيعطيه التهوية اللازمة.
الشقة: الحالة القانونية للشقة محفظة مساحتها 114 متر مكونة من ثلاث غرف وصالونين وحمامين وبالكون وكوزينة .
الغرفة الثانية:أو الغرفة الرئيسية المساحة ديالها كبيرة كتوفر على ناموسية كبيرة بالكوفوزات ديالها مصنوعة من الخشب بجودة عالية وأيضا كتوفر على بلاكار فالحيط والاجمل أنها كتوفر على حمام خاص بيها مزلج بالكامل والدوش كفصول بباب من الاليمنيوم.
الكوزينة: المساحة ديالها متيسعة الشي لي كيعجب أي امراة وكيساعدها فالقيام بجميع الاعمال بكل اريحية الكوزينة مجهزة بجميع الاجهزة لي تحتاجو وأيضا ببلاكارات من الخشب الممتاز وأيضا كتوفر على طابلة عائلية للاكل.
الغرفة الثالثة: أصحاب الشقة مخصصينها كبيت للجلاس مجهزة بطريقة تقليدية جميلة وكتوفر عل بلاكار كبير فالحيط ,الغرفة مشمسة مزيان بفضل السرجم وحتى البالكون لي كيتم الاستغلال ديالو فالنشير ؤ وضع الاغراض فالخزانة الكبرية الموجودة فيه.
*الشقة كيما تبعتو معانا المساحة ديالها كبيرة والفنيسيون جميلة وكتواجد فحي مثالي للاستقرار, ودابا وصلنا لأخر العرض ومبقالي غير نقولكم ثمن الشقة لي هو 110دالمليون قابل للتفاوض.
بسبب الموقع الجيد د الشقة تقدر تشريها من أجل الإستثمار في الكراء وغاتجيبلك مابين 2500حتى ل 4500 درهم شهريا وفالصيف مابين 600 درهم حتى ل 1000 درهم فالليلة.
الاعجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك للاعلان الموجود فموقعنا أمرتيل.كوم تما غتلقى جميع المعلومات كتابة وأيضا رقم للتواصل معانا.
إلى عندك شي شقة ف مدينة مرتيل تطوان المضيق الفنيدق أو واد لو و النواحي سواءا للكراء أو للبيع متنساش تواصل معانا و غادي نساعدوك تلقا الشاري أو الكاري رقمنا الهاتفي موجود ف موقعنا الإلكتروني amartil.com.
إلا كنتي مزال ممشتاركش ف قناة أمرتيل اشتارك دابا بغينا نوصلو الـ 50 ألف مشترك فأقرب وقت
فضلا وليس أمرا إلى كتعرف شي صديق أو فرد من العائلة باغي يشري شقة ف الشمال شارك معاه رابط هاد العرض
إلى هنا كنكونو وصلنا لنهاية هاد العرض طاقم أمرتيل كيشكرك على المتابعة والى اللقاء فعرض جديد.
