1. الاستئجار قبل الشراء
سمع مزيان الهاد النصيحة المهمة قبل ما تشتري شقة،
إلى شريتي شقة ب 50 مليون و تراجعتي،
حيت بالك الحي ممناسبكش ولا لقيتي مشاكل كثيرة ف الشقة و بغيتي تبيعها
واخا تبيعها ب 50 مليون راك خاسر 6 د المليون كأقل تقدير!!
كيفاش حسبتيها؟
8/100 مصاريف الشراء ديال التسجيل و التحفيض
والوكالة لي القاتلك الدار و نوطير
و 3/100 كأقل تقدير على
الضريبة على الأرباح العقارية
شنو الحل؟ صوت حفصة
إلى مكنتيش مزروب فالشرا،
كري ف نفس الحي لواحد المدة باش تتعرف على الحي
و تعرف نسبة الأمان وتكتاشف جميع المرافق المحيطة،
و يمكن يبالك بلي مكافيينكش،
مثلا لي خدام ف شي مؤسسة بحال محكمة
و غادي يخليه موقع الشقة جديدة
يستعمل السيارة لوقت طويل يوميا...
و نصيحة أخيرة إلى كان صاحب الشقة كيكري و كيبيع فنفس الوقت
كيما كيديرو بزاف د الناس
كري واخا تكون مزير و محتاج تشري فأقرب وقت ولو غير ال 10 يام
ستافد من هاد الإمكانية الذهبية
حيت غاتعرفك على جميع المشاكل ف الشقة لي مكنتيش تقدر تكتاشفهم فالزيارة اللولة..
وبهذه الطريقة غادي تشري الشقة ديالك وانت مرتاح.
تابعو شركة أمرتيل
كان معكم عمر
الله يكتر سوارتكم
* الرابط : https://www.facebook.com/reel/981130057480311/?s=fb_shorts_profile&stack_idx=0
2. ميزانية شراء العقار
قبل ما تحدد الميزانية ديالك باش تشري شي عقار، خصك ضروري تعمل في بالك المصاريف التابعة للشراء. أولاً: مصاريف التسجيل 4% في حالة شريتي شقة أو فيلا، و5% في حالة ما شريتي أرض. ثانياً: 1.5% مصاريف التحفيظ. ثالثاً: 1% أتعاب الموثق اللي غادي يدوز البيعة. رابعاً: إذا كنتي غاتعمل كريدي بأقل من 25 مليون كتخلص 0.5% وأكثر من 25 مليون كتخلص 1.5% باش كتسجل الرهن بالقرض والتحفيظ. خامساً: إذا شريتي عن طريق وكالة عقارية فكتخلص الأتعاب ديالهم اللي كتقدر توصل حتى ل 3%. فضروري تاخذ هذه المصاريف بعين الاعتبار قبل ما تحدد الميزانية ديالك.
* الرابط : https://www.facebook.com/reel/1347715616768553
3. مصاريف السانديك
بزاف ديال الناس ما عارفينش أن الخلاص ديال السنديك ضروري، كنتي ساكن في الشقة أو لا، ويقدر يتابعك قانونيا وتوصل أنه يسيزي لك العقار أو الكونط بنكير ديالك، حيت مصاريف السنديك كتحسب بهذا الشكل هذا: جميع المصاريف اللي كتحتاجهم الإقامة لمدة سنة، لا من الجردة أولا الإصلاح ديال الدروج أولا الصباغة لمدة عام، كتقسم على جميع السكان.
* الرابط : https://www.facebook.com/reel/1910194076596133
4. رخصة السكن
رخصة السكن هي وثيقة كتسلمها ليك الجماعة وكتأكد بلي الدار صالحة للسكن وبالي تبنات كيفما جا فالرخصة والبلان وكتحتاجها باش تسكن قانونيا وتدخل الما والضو ودوز الواد وكتتطلب حتى فالبيع والشرا ولا فالقرض البنكي وباش تاخدها خاصك تدير ملف فيه الطلب + رخصة البناء + شهادة نهاية الأشغال +شهادة الملكية ومحظر المعاينة غالبا كتكون واجدة ما بين 15 يوم حتا لشهر إذا كانو الوراق مضبوطين وإذا سكنتي بلا رخصة تقدر تدخل راسك فالمشاكل وغرامات .
* الرابط : https://www.facebook.com/reel/1166152894872023
5. الإعفاء الضريبي على الأرضي المرخصة للبناء
إذا خديتي الرخصة ديال البني فهادشي مكيعنيش أنك معفي نهائيا من الضريبة حيت فاش كتاخد الرخصة كيعطيوك إعفاء مؤقت فحدود 3 سنوات وفكل سنة خاصك تمشي للجماعة وكتاخد معاك الوثائق لي كتعطيها للجماعة نسخة من البطاقة الوطنية ورخصة البناء والإقرار لي كيكون فيه معلومات ومعطيات شخصية وعلى القطعة الأرضية وأيضا كتكون فيه ملاحظة على سبب تأخر البناء وعلاش مزال مخديتي شهادة السكن فاش تسالي البني وتمشي تاخد شهادة السكن ضروري تاخد معاك التأشيرات لي عطاوك على مدار ثلاث سنوات للإعفاءات ، أما فحالة خدا الوقت كتر من 3 سنين أو حتا 6 سنين فديك الساعة كتخلص الضريبة ديال أربع سنوات الإخيرة الناس لي معنين بهاذ الإعفاء هما الناس لي خداو رخصة البناء سنة 2023 .
* الرابط : https://www.facebook.com/reel/866313002945074
6. التعرض أثناء التحفيظ
إلى شي واحد دار مطلب تحفيظ للأرض، كيتعلّق الإعلان ديالو وكيتم نشرو، ومن داك التاريخ كيبدا الأجل القانوني ديال التعرض.
أي شخص كيعتبر عندو حق فداك العقار (ملكية، حق مرور، شرا قديم…) خاصو يدير التعرض ديالو داخل أجل شهرين (60 يوم) من تاريخ نشر الإعلان.
إلى فات الأجل وما درتيش تعرض، كتفقد الحق ديالك فالمطالبة به أمام المحافظة، وكيولي صعيب بزاف ترجّع حقك من بعد.
📌 مرجع قانوني: الفصل 24 من ظهير التحفيظ العقاري بتاريخ 12 غشت 1913 كما تم تعديله بالقانون 14-07.
7. التعرض خارج الأجل (واش ممكن؟)
الأصل هو أن التعرض خاصو يكون داخل أجل 60 يوم.
ولكن القانون عطى إمكانية استثنائية باش يتقبل التعرض حتى من بعد انتهاء الأجل، وهاد الشي كيتسمى التعرض خارج الأجل.
كيفاش؟
الشخص خاصو يبرر للمحافظ على الأملاك العقارية علاش تأخر (مثلاً ما كانش عارف، مرض، ظروف قاهرة…) ويقدم طلب معلل.
المحافظ هو اللي كيقرر واش يقبل التعرض خارج الأجل أو لا. ولكن خاص تعرف أن القبول ماشي مضمون، وكيكون استثناء ماشي قاعدة.
📌 مرجع قانوني: الفصل 29 من ظهير التحفيظ العقاري 12 غشت 1913 كما تم تعديله بالقانون 14-07.
8. ضريبة الأرباح في حالة "التبادل" (L'échange)
بزاف كيسحاب ليهم بلي الضريبة (TPI) كتخلص غير فاش كتبيع وتشد الفلوس. حتى إلا "بادلتِ" شقة بشقة أخرى مع شي حد، إدارة الضرائب كتعتبر هاد العملية "بيعاً" مزدوجاً، وكل واحد فيكم كيخلص الضريبة على الأرباح العقارية على أساس قيمة العقار اللي تنازل عليه.
📌المرجع القانوني: المادتان 144 و 161 من المدونة العامة للضرائب.
9. الإستثمار الناجح في شراء الأراضي
إذا بغيتي تشري أرض باش تستثمر فيها من الأحسن شري فتجزئة محفظة ومجزءة كتكون باينة المساحة وحتا إذا شريتي من عند مول الأرض كيكون الثمن مناسب ناقص وإذا استثمرتي فيها على المدى القريب بنيتي الأرض وبعتي الشقق كتكون ربحتي أما إذا استثمرتي على المدى البعيد وخلتيها مدة طويلة حتا تبناو الديور والمشاريع فالثمن ديالها كيرتافع وحتا القيمة وكتربح مزيان .
* الرابط : https://www.facebook.com/reel/1246935260711983
10. الفرق بين السجل التجاري والأصل التجاري
السجل التجاري هو اجراء كيقوم به التاجر في المحكمة التجارية لي تابع ليها المحل أو الشركة ديالو أي كيسجل المحل فالمحكمة التجارية لي كيكون فيه اسم التاجر والإسم التجاري والعنوان ونوعية النشاط لي كيمارسو، أما الأصل التجاري فهو حق كيكتسبو التاجر فاش كيولي عندو زبناء وسمعة تجارية وشعار وكيكون عندو مدة صلاحية كينتهي مور مدوز سنتين على اغلاق المحل حسب المادة 8 من القانون 49.16
* الرابط : https://www.facebook.com/reel/1517324176033395
