السلام عليكم متتبعي شركة أمرتيل للتسويق العقاري كنتمنا تكونو بخير وعلى خير معاكم ليلى من طاقم شركة أمرتيل فعرض جديد لي غنقدمو ليكم من خلالو شقة للايجار اليومي والشهري بمدينة لي متميز بالبساطة ديالها وجماليتها الملفتة. الشقة كتواجد بكورنيش مدينة مرتيل كورنيش رائع كيمتد حتى للواد المالح بموصفات مميزة لي خلاوه من أهم معالم المدينة بحيث كيتميز بالمساحات الخضراء وملاعب رياضية ومواقف للسيارات والعديد من المقاهي والمطاعم الجميلة,الشقة لي غنعرضو عليكم اليوم كتواجد بعمارة آمنة وهادئةكتوفر على عساس وعلى مصعد وقريبة على جميع المرافق المهمة.
الصالون: فمدخل الشقة كنلقاو صالون كبيرومتيسع مصبوغ فاللون البرتقالي الفاتح ومفرش بطريقة عصرية بفطويات دالجلد فاللون الاسود الصالون كيتوفر على سرجم كبير لي كيعطيه الاضاءة الطبيعية وكيساعد فالتهوية ديالو.
الغرفة1: كبيرة ومتيسعة كتوفر على ناموسية متوسطة,المساحة دالغرفة كتستوعب سرير كبير وماريو ديالو بالاضافة للكوافوزات الغرفة كتوفر على سرجم لي كيخليها مشمسة ومهوية.
الغرفة2: حتى هيا المساحة ديالها كبيرة ومشمسة مزيان بفضل السرجم لي كتوفر عليه الغرفة كدستوعب 2 ناموسيات ويمكن تضيفو حتى بلاكار للملابس.
الحمام 1: كبير ومزلج من الارض حتى للسقف فاللون الابيض والازرق كيتوفر على فتحة للتهوية.
الكوزينة: كبيرة مزلجة من الارض حتى للسقف فاللون البني كتوفر على بلاكارات دالخشب لتحت ولفوق وعلى جميع الاجهزة لي تحتاجو ماكينة ديال الصابون ثلاجة فران وشفاط للدخان وسرجم كبير لي كيساعد فالتهوية ديالها.
الشقة: الشقة كتواجد فالطابق السابع بعمارة مكونة من 7 طوابق وكل ايطاج كيتوفر على 4 شقق سكنية مساحة الشقة 90 متر مكونة من ثلاث غرف وصالون وحمامين وكوزينة وبالكون كبير.
الحمام 2: الحمام الثاني مزلج فاللون الابيض والاحمر مجهزة بطريقة أنيقة الدوش مفصول بباب من الزاج كوليس
الغرفة الثالثة: الغرفة كبيرة ومتيسعة مجهزة بطابلة كبيرة للأكل لستة أشخاص
البالكون: الغرفة متوفر على بالكون كبير واسع عندو اطلالة رائعة على مدينة مرتيل والجبال لي ضايرة بيهتا البالكون يمكن تستغلوه فالنشير أمو جليسة جميلة وأيضا كيساعد فتهوية الغرفة.
السطح: الشقة كأي دار فالعمارة كتوفرعلى حقها فالسطح لي المساحة ديالو كبيرة وكيتوفر على اطلالة رائعة لي يمكن تستمتعو بيها اطلاالة على مدينة مرتيل كلها والجبال لي ضايرة بيها واطلالة على البحر والكورنيش الرائع.
الشقو كيما تبعتو معانا مشاهدينا كتميز بمساحة كبيرة وثلاثة ديال الغرف كبار بالاضافة لكونها كتواجد بموقع مثالي للاستقرار وحتى التخييم الشقة قريبة على البحر والمقاهي ومدينة الألعاب ودابا وصلنا لأخر الفيديو ومبقالي غير نقولكم ثمن كراء الشقة بالنسبة للأيجار اليومي ابتداء من 350 درهم فالوقت الحالي وميما هو معروف أثمنة الكراء كتغير من فترة لفترة أما الايجار الشهري فالثمن هو 2500 درهم
باش تعرف الثمن اللي كنكريو بيه ف الوقت اللي كتشوف فيه الفيديو معليك غير ضغط على الرابط الموجود ف صندوق الوصف غادي ينقلك للاعلان الموجود فموقعنا أمرتيل.كوم و تما غتلقى جميع المعلومات كتابة وأيضا رقم للتواصل معانا
الا كنتي مزال ممشتاركش فقناة أمرتيل شترك دابا باش توصل بكل جديد.
طاقم أمرتيل كيشكرك لمتابعة العرض والى اللقاء فعرض جديد.
