السلام عليكم متتبعي شركة أمرتيل للتسويق العقاري كنتمنا تكونو بخير وعلى خير معاكم ليلى فعرض جديد لي غنقدموه ليكم من مدينة مرتيل المميزة اليوم غنعرضوعليكم شقة بمجمع السعادة لي كيتواجد فحي البيت العتيق والشقة كاينة على الشارع الرئيسي للبيت العتيق والدخلة الاساسية لمجمع السعادة لكتدي نيشان للمسجد لي كتشاهدو المجمع قريب من جميع المرافق الاساسية المقاهي المطاعم المحالات التجارية الصيدليات وأيضا قريبة على المؤسسات التعليمية وجامعة عبد المالك السعدي.
الصالون: فمدخل الشقة كنلقاو صالون بمساحة كبيرة مفرش بطريقة تقليدية بسيطة وأنيقة الصالون مشمس ومهوي طول النهار بفضل السرجم لي كيطل الشارع. وبجنبو كنلقاو سيجور لي يمكن تجهزوه بطابلة للأكل أو بفطويات جميلة المساحة الكبيرة ديال الصالون والسيجور كتسمح بالثأثيث ديالهم بطريقة عصرية أو تقليدية أو التنسيق بيناتهم.
الغرفة1:الغرفة كبيرة ومتيسعة كتساع لسرير كبير وكوفوزات ديالو وماريو كبير الغرفة كيما كتشاهدو معانا متتبعينا مشمسة مزيان بفضل السرجم.
الحمام: الحمام مجهز مزيان مزلج بزليج بجودة عالية فاللون الاسود والرمادي, الدوش مفصول بباب من الزاج والاليمنيوم.
الشقة : الحالة القانونية للشقة محفظة مساحتها 70 مترمكونة من صالون وسيجور وغرفتين وكوزينة مع بالكون وحمام
الغرفة2: الغرفة الثانية مجهزة بجوج ناموسيات مشمسة مزيان ومهوية مساحة الغرفة كتستوعب جوج ناموسيات وبلاكار
الكوزينة: المساحة ديالها كبيرة كتوفر على بلاكارات من لتحت وكتستوعب جميع الاجهزة المنزلية من ثلاجة وفران وماكينة ديال الصابون بالاضافة لأنها كتوفر على بالكون صغير مجهز بالماء وبلاصة ديال السخان البالكون يمكن تستغلوه فالنشير أو وضع المستلزمات وأيضا كيساعد فتهوية الكوزينة وكيعطيها الاضاءة الطبيعية.
الشقة كيما شاهدتو معانا متتبعينا جميلة وأنيقة من حيت الفصالة والتجهيزات,ومشمسة طول النهار بفضل السراجم لي كتوفرعليهم بحيث الاطلالة ديالهم على الشارع اضافة للموقع المميز لي كتواجد فيه و لي فالاونة الاخيرة عرف ازدهار كبير بسبب الكثير من الانشطة التجارية. الموقع الجيد دالشقة كيخليها مشروع مربح كعيادة طبية أو مكتب محماة وأيضا القرب ديالها لجامعة عبد المالك السعدي لي ممكن تستثمرو فيها للكراء للطلبة فالموسم الدراسي خصوصا أن مدينة مرتيل فالسنوات الاخيرة كتعرف ازدهار كبير من حيت العقار ودابا وصلنا لأخر العرض ومبقالي غير نقولكم ثمن الشقة لي هو 45 مليون قابل للتفاوض.
الاعجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك للاعلان الموجود فموقعنا أمرتيل.كوم تما غتلقى جميع المعلومات كتابة وأيضا رقم للتواصل معانا.
إلى عندك شي شقة ف مدينة مرتيل تطوان المضيق الفنيدق أو واد لو و النواحي سواءا للكراء أو للبيع متنساش تواصل معانا و غادي نساعدوك تلقا الشاري أو الكاري رقمنا الهاتفي موجود ف موقعنا الإلكتروني amartil.com.
إلا كنتي مزال ممشتاركش ف قناة أمرتيل اشتارك دابا بغينا نوصلو ل 50 مشترك.
فضلا وليس أمرا إلى كتعرف شي صديق أو فرد من العائلة باغي يشري شقة ف الشمال شارك معاه رابط هاد العرض.
