السلام عليكم متتبعينا ومرحبا بكم فعرض جديد لي غنقدموه ليكم من مدينة المضيق لي كتميز بموقع استراتيجي مهم وأيضا كتعتبرالوجهة المفضلة للسياح المغاربة والأجانب، الشقة لي غنعرضو عليكم اليوم كتواجد بعمارة هادئة وآمنة كتوفر على عساس كيتواجد على مداار الساعة وأيضا على مصعد وكرآب للسيارات وقريبة على جميع المرافق الأساسية السوق لي مشهورة بيه مدينة المضيق والمحالات التجارية والمقاهي والمطاعم والمؤسسات التعليمية .
مدخل العمارة: مدخل العمارة مصمم بطريقة أنيقة مصبوغ فالبيج بصباغة اليقاوتة والسقف كيتميز بالإضاءة من نوع لي سبوط .
الكوزينة: الكوزينة متيسعة مجهزة ببلاكارات من نوع MDF نوعية جد ممتازة فاللون الأبيض والأسود وأيضا كتوفر على أحدث الأجهزة المنزلية الكوزينة عندها سرجم لي كيعطيها الغضاءة وكيساعد فالتهوية ديالها.
الغرفة1: الغرفة الأولى كبيرة ومتيسعة كتوفر على حمام خاص بيها مجهز بطريقة راقية الغرفة كتوفر على بلاكار فالحيط وبالكون كبير كيساعد فالإضاءة والتهوية ديالها.
الحمام: فاللون الرمادي مجهز بطريقة عصرية أنيقة الدوش مفصول بالزاج.
الصالون: الصالون كيتوفر على مساحة كبيرة مصبوغ فالبيج بصباغة الياقوتة والسقف كيتميز بديكور عصري من الجبس بورد وأيضا الخشب لي كيعطي للسقف أصالة وكيخلي الصالون مثالي وراقي وكبيعث الراحة ، الصالون كيتوفر على زوج سراجم كبار فكل جهة بحيث الشقة كتوفر على واجهتين الشي لي كيخليها مشمسة طول النهار.
الغرفة2: الغرفة الثانية كتيسعة فاللون الرمادي كتوفر على بلاكار فالحيط نظرا للمساحة ديالها يمكن تخصصوها للأطفال أيضا كتوفر على باب لي كيخرج للبالكون.
الغرفة3: أيضا بنفس التصميم فاللون الأبيض وبلاكار فالحيط وسرجم مع الإضاءة من نوع ل سبوط.
الشقة كيما شاهدتو معانا متتابعينا جميلة وراقية كتوفر على واجهتين الشي لي كيخليها تمتع بالقدر الكاف من الشمس صباح وعشية وأيضا كتوفر على كليما سونطراليزي.
الاعجباتك هاد الشقة وبغيتي دشريها فماعليك غير تواصل معانا.
إلى عندك شي شقة ف مدينة مرتيل تطوان المضيق الفنيدق أو واد لو و النواحي سواءا للكراء أو للبيع ما عليك غير تواصل معانا و غادي نساعدوك تلقا الشاري أو الكاري.
فضلا وليس أمرا إلى كتعرف شي صديق أو فرد من العائلة باغي يشري شقة ف الشمال شارك معاه رابط هاد العرض.
