السلام عليكم متتبعي شركة أمرتيل للتسويق العقاري كنتمنا تكونو بخير وعلى خير معاكم ليلى من طاقم شركة أمرتيل ومرحبا بيكم فعرض جديد لي غنقدمو ليكم من خلالو شقة للإيجار اليومي والشهري بحي الحمامة بمدينة تطوان، الشقة كتواجد فالطابق الأول بعمارة آمنة كتوفر على كاميرة للمراقبة وحارس، أيضا قريبة من جميع المرافق الضرورية محالات تجارية مؤسسات تعليمية ومصحة تطوان والمقاهي وملاعب القرب ومساحات خضراء.
الصالون: فمدخل الشقة كنلقاو صالون متيسع مفرش بطريقة عصرية بفطويات فاللون الأزرق الصالون مصبوغ فالبيج بصباغة الياقوتة والسقف مزين بديكور عصري من الجبس مع الإضاءة من نوع لي سبوط.
الغرفة 1: الغرفةالأولى فاللون البيج مجهزة بجوج ناموسيات مودرن وبلاكار من الخشب الغرفة كتوفر على سرجم لي كيعطيها الإضاءة والتهوية.
الشقة: مساحة الشقة 62 متر مكونة من غرفتين وصالون وكوزينة وحمام وباطيو .
الحمام: كبير مجهز بطريقة عصرية فاللون الأيض والأسود والدوش مفصول بباب من الزاج والأليمنيوم
الكوزينة: كبيرة مزلجة بزليج فاللون البني ضايرة كاملة ببلاكارات من الخشب كتوفر على ثلاجة وطابلة وماكينة دالصابون وفران وشفاط للدخان.
الغرفة2: كبيرة مجهزة بسرير كبير وكتوفر على باطيو كبير لي كياعد فالتهوية ديالها ويمكن تستغلوه فالنشير أو وضع الأغراض.
الشقة كيما شاهدتو متتبعينا مزينة بالكامل بالجبس وبالإضاءة د لي سبوط لي كتعطي مظهر أنيق وفغاية الروعة ومصممة بتصمميات رائعة للشعور بالراحة ودابا وصلنا لأخر العرض ومبقالي غير نقولكم ثمن كراء الشقة وكيما هو معروف أثمنة الكراء غير ثابتة كتغير حسب الفترة فثمن الشقة حاليا هو 350درهم لليلة أما بالنسبة للكراء الشهري فثمن الشقة هو 3000 درهم.
