سلام عليكم واش سي ...... معايا مرحبا سيدي
كيف الحال كلشي بخير
شفت واحد الإعلان عندك ف: الفيسبوك - أفيطو - يوتوب - ..
بغيت نعرف واش الشقة ديالك ولا نتا وسيط؟
نقدم ليك راسي بعدا معاك amal خدامة فشركة أمرتيل للتسويق العقاري
الدار ديالك عجباتني بزاف وعندي ليك عرض مهم باش نساعدوك تلقى الشاري فأقرب وقت
إلى كنتي مهتم للفكرة نشرحليك طريقة دالخدمة ديالنا ( تفاعل الزبون)
كيما كتعرف ديك الطريقة د البيع القديمة ديال أنك تحط دارك عند شي وكالة و تساينهم يجيبولك الشاري مبقاتش خدامة
و فيها تبرزيط بززاف
فكل مرة جا شي كليان عند الوكالة غادي يجيبوه يشوف الدار ديالك و نقولو 10 د الناس شافو دارك ف مدة 5 شهور
بالأنترنت يقدرو يشوفو الدار ديالك 200 ألف واحد فقل من شهر
إذن الأنترنت هوا الحل كلشي ولا كيحط الديور غير ف الأنترنت و الناس كيتاصلو و كيدوز البيع
حنا الشركة ديالنا خدامة بنسبة 90/100 بالأنترنت و عندنا مقر ديالنا ف مرتيل اللي كيجيوليه الناس ولكن الأنترنت منين كيجيونا ناس بزاف
نسقسيك واش فايتلك شفتي شي دار مصورة البيع ف يوتوب؟ ( تفاعل الزبون)
حنا عندنا أكبر قناة يوتوب ف المنطقة فيها 32 ألف مشترك
و أكبر صفحة فيسبوك و إنستكرام ديال العقار اللي فيها بززاف د الناس كيتابعونا كتر من 120 ألف واحد
و أيضا موقع كبير اللي هوا AMARTIL.COM
و حنا ماشي جداد ف هاد المجال, بدينا الخدمة من 2017
و عندنا كتر من 200 دار حاطينها دابا البيع ف الموقع ديالنا و مصورين بالفيديوات
الطريقة د التعامل معنا بسيطة بزاف
كنحددو موعد وكنرسلو ليك مصور ديالنا كيصور الشقة ديالك و المحيط ديالها بطريق احترافية و ب كاميرة بروفيسيونيل اللي كتعطي جودة عالية
والهدف ديالنا من التصوير هو أنه كنقللو نسبة الزيارات حيت الكليان كيشوف الدار ديالك من خلال الفيديو اللي كنعملو و نحطوه ف قناتنا ف اليوتوب و موقعنا و ف الفيسبوك
الفيديو كيكون فيه تعليق صوتي احترافي كيتشجع الزبون أنه يشري العقار ديالك.
ومن بعد مكيتاصلو بينا كنجاوبوهم على كل أسئلتهم و كنقصو عليك كلشي حتا كيكون شي واحد مهتم بزاف بالدار ديالك و عجباتو عاد كنحددو معاه موعد يشوف الدار ديالك
كيشوفها و كدوز البيعة تقريبا الديور اللي حطيناهم ف هاد 6 شهور كاملين تباعو عليها باغيين ديور جداد
بنسبة الاثمنة د التصوير, دابا كاين واحد العرض عوض 500 درهم غادي غادي تخلص غير 300 درهم فالبلاصة لسيد لي كيصور
ومغدزيدش دخلص تاشي حاجة حتا نجيبولك الشاري و غادي نبقاو ف تواصل معاك و تقدر تغير الثمن فأي وقت
من بعد منجيبولك الشاري غادي ناخدو 100/2.5 من ثمن دالبيع أي كل 30 مليون كناخدو عليها مليون
و كنعطيو حتا الفاكتورة اللي غاتعطيها الدار الضريبة تنقصلك عليك المصاريف و الأمور ديالنا قانونية
و راه هذ النسبة عادية حيت سماسرية عاديين إلى جابلك الشاري الدار ديالك اللي ساوية 30 مليون غادي تعطيه مليون معروفة هادي..
/إلى شفتيه مركز و خاصو دفيعة/
ولاسمحتي نعطيك معلومات على الشركة ديالنا:
هاد العام زدنا كتر من 100 دار الموقع ديالنا
عندنا كتر من 200 ألف متابع
كنزلو الإعلانات ف جميع المواقع المعروفة أفيطو و فيسبوك و حتا الإعلانات الورقية كنخدمو بيهم حيت الهدف ديالنا هو البيع
الى عجبك العرض جيالنا مرحبا
