السلام عليكم متتبعي شركة امرتيل للتسويق العقاري كنتمنا تكونو بخير وعلى خير و مرحبا بيكم فعرض جديد اليوم غنقدمو ليكم شقة جميلة بتصميم عصري بحي ميكسطا بمدينة مرتيل الشقة كتواجد فالطابق الثالث بإقامة آمنة وهادئة وجميلة مكونة من ثلاث طوابق الشقة قريبة من المؤسسات التعليمية وعلى بعد 5دقائق من السوق والمحالات التجارية والمسجد .
مدخل العمارة: مدخل العمارة كيما كتلاحظو جميل ومنظم أصحاب الإقامة مهتمين بأدق التفاصيل والنظافة ديالها أيضا كتوفر على على كاميرة للمراقبة .
السيجور: فمدخل الشقة كتلقاو سيجور مجهز بطبلة عصرية جميلة لأربعة أشخاص والسقف مزين بديكور جميل من الجبس.
الصالون: الصالون متيسع فاللون البيج مفرش بطريقة جميلة وبسيطة الصالون كيما كتشوفو مشمس كيتوفر على سرجم كيطل على بهو العمارة السقف الصالون مزين بدكور من الجبس مع الإضاءة دلي سبوط.
الكوزينة: الكوزينة مجهزة بستيل عصري مفتوح على الصالون كتوفر على بلاكارات لفوق ولتحت من الخشب الممتاز الكوزينة أيضا كتوفر على بالكون مجهز بالسخان ولوضع الاغراض البالكون كيطل على بهو الإقامة وكيساعد الكوزينة فالتهوية .
الشقة: الحالة القانونية للشقة محفظة مساحتها 54 متر مكونة من غرفة وصالون وكوزينة وحمام وبالكون.
الغرفة: كتوفر على مساحة كبيرة كيما كتشوفو كتستوعب سرير كبير وبجنبو ناموسية مزدوجة لشخصين؛أيضا كتوفر على بلاكار فالحيط لي كيضيفلها مساحة ،الغرفة عنظها سرجم كيطل على الشارع كيخليها مشمسة ومهوية .
الحمام: الحمام مزلج من الارض حتى للسقف مجهز بشكل جميل وأنيق الدوش مفصول بباب من الأليمنيوم.
الشقة كيما لاحظتو مشاهدينا جميلة وانيقة كتوفر على فصالة عصرية وكتواجد فإقامة أمنة ونظيفة وقريبة على جميع المرافق الضرورية. ودابا وصلنا لأخر العرض ومبقالي غير نقولكم ثمن الشقة لي هو 35مليون قابل للتفاوض. ذ
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
وبهذا أعزائي كنكونو وصلنا لنهاية العرض طاقم أمرتيل كيشكركم على المتابعة وإلى اللقاء فعرض جديد .
