السلام عليكم متتبعي شركة أمرتيل للتسويق العقاري كنتمنا تكونو بخير وبصحة جيدة معاكم ليلى فعرض جديد خاص لمحبي الإطلالات البانورامية خصوصا شاطئ البحر اليوم جبنا ليكم شقة مميزة كتميز بموقعها وبلونها الأبيض لي كيعطيها أناقة وبساطة والإحساسا بالراحة وهاد النوع من الشقق المطلة على الشاطئ وكورنيش مدينة مرتيل كتعكس الإيجابية على حياة الفرد بأكمالها بالمناظر الساحرة يوميا كما أن هاد النوع من العقار يمكن استعمالو لأغراض متعددة منها السكن والتأجير، تابعو الفيديو معايا للأخير.
مدخل العمارة: مدخل العمارة كيما كتشوفو مزين بنبتات وأشجار لي عطاو شكل جميل للمدخل على شكل حديقة كتوفر على مساحة واسعة يمكن للوليدات يلعبو فيها بكل راحة.
الشقة: وهدا المدخل ديال الشقة كيما كتلاحظو غالب عليها اللون الأبيض لي هو لون الهدوء والصفاء وكيبين مساحة الشقة كبيرة.
الغرفة1: الغرفة الأولى كبيرة الأرضية مزلجة بزليج عصري فاللونين البني والأبيض كتوفر على بلاكار كبير فالحيط من الخشب حتا هو فاللون الأبيض ، الغرفة مشمسة ومهوية بفضل البالكون لي كيطل على بهو العمارة.
الصالون: الصالون كبير ومتيسع مشمس ومهوي كيتوفر على زوج سراجم واحد على شكل مستطيل والسرجم الكبير عندو إطلالة على شاطئ البحر بالإضافة لبالكون كبير لي عندو إطلالة ساحرة على شاطئ مرتيل المساحة ديالو كتسمحلك تجهزة بجليسة للإستمتاع بسحر الشاطئ فالنهار والليل ومن البالكون ممكن تدخل للكوزينة.
الكوزينة: أنيقة ومتيسعة كتوفر على بلاكارات من الخشب فاللون البني والأبيض لي كيميز هاد الشقة، وكتوفر على سرجم كبير لي كيخليها مشمسة ومهوية طول النها.
الغرفة2: الغرفة مساحتها كبيرة كتوفر على بلاكار فالحيط من الخشب فاللون الأبيض وكتوفر على سرجم إطلالتو على البحر وكورنيش مدينة مرتيل.
الشقة: الشقة كتواجد بالطابق الثاني فعمارة آمنة وهادئة كتوفر على حارس ومصعد ومرآب للسيارات ، الحالة القانونية للشقة ملكية مساحتها 138 متر مكونة من ثلاث غرف وصالون وحمامين ومطبخ و3شرف الشقة كتوفر على واجهتين الواجهة الرئيسية مطلة على البحر.
الحمام2: هذا الحمام الثاني فالشقة مزلج ومجهز بطريقة عصرية كيتوفر على سخان ديال الضو من الحجم الكبير، البلاصة ديال الدوش مفصول بباب من الأليمنيوم والزاج وطبعا كيتوفر على سرجم للتهوية اللازمة.
البلاكار: الشقة كتوفر على بلاكار صغير من الخشب فالحيط مابين الغرفة الثانية والثالثة لوضع الأغراض والمستلزمات.
الغرفة 3: الغرفة الثالثة مكتختلفش على باقي الغرف من حيث الأناقة والبساطة كتوفر على بالكون بإطلالة مباشرة على البحر لي من خلالو كتحصل على التهوية والإضاءة اللأزمة.
وكيما شاهدتو متتبعينا الشقة جميلة وكبيرة ومميزة بإطلالاتها الساحرة يمكن تشوف البحر من الغرفة أو من المطبخ والإستمتاع بأجواء الشاطيءبالليل والنهار ودابا وصلنا لأخر العرض ومبقالي غير نقولكم ثمن السانديك لي هو 200 فالشهر وثمن الشقة لي هو 195 مليون قابل للتفاوض.
إذا عجباتك هاد الشقة وبغيتي دكريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
وبهذا أعزائي كنكونو وصلنا لنهاية العرض طاقم أمرتيل كيشكركم على المتابعة وإلى اللقاء فعرض جديد
