السلام عليكم متتبعي شركة أمرتيل للتسويق العقاري كنتمنا تكونو بخير وعلى خير معاكم ليلى من طاقم شركة أمرتيل اليوم غنقدمو ليكم شقة للبيع بالسكن الإقتصادي بحي ميكسطا بمدينة مرتيل بثمن مناسب، الشقة قريبة على المرافق الأساسية محالات تجارية سوق مؤسسات تعليمية والمسجد.
الصالون: فمدخل الشقة كنلقاو صالون بمساحة متوسة مصبوغة فاللون الأبيض لون النقاء والهدوء الصالون مفرش بشكل تقليدي بسيط كيتوفر على سرجم كيطل على الشارع كيخليه مشمس ومهوي.
الكوزينة: بجنب الصالون كنلاقو كوزينة حتى هيا كتوفر على مساحة متوسطة مزلجة من الأرض حتى للسقف ، مساحتها كتستوعب جميع الأجهزة ثلاجة فران ماكينة ديال الصابون وكاين حتى السرجم لي كيساعد فالتهوية ديالها.
الحمام: الحمام متيسع مزلج فاللون البني والأبيض منظم بشكل جميل.
الغرفة : الشقة كتوفر على غرفة واحدة بمساحة متوسطة كيما كتشوفو كتستوعب سرير مع كوفوز وماريو صغير ، الغرفة كتووفر على بالكون بإطلالة على الشارع مجهزة بسلك للنشير وممكن تستغلوه فوضع الأغراض والمستلزمات.
الشقة كيما لاحظنو جميلة كتباع بالفراش بثمن مناسب وكتواجد فموقع ممتاز للإستقرارا وحتى التخييم وممكن تستثمرو فيها فالكراء ففصل الشتاء للطلبة والكراء اليومي ففصل الصيف. ودابا وصلنا لاخر العرض ومبقالي غير نقولكم ثمن الشقة لي هو 22مليون قابل للتفاوض.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
وبهذا أعزائي كنكونو وصلنا لنهاية العرض طاقم أمرتيل كيشكركم على المتابعة وإلى اللقاء فعرض جديد .
