السلام عليكم متتبعي شركة أمرتيل للتسويق العقاري والسياحي كنتمنا تكونو بألف خير اليوم جبناليكم شقة جميلة للبيع فكورنيش مرتيل قريبة من ملاعب القرب ومدينة الألعاب والمقاهي والمحلات التجارية.
الصالون: فمدخل الشقة كنلقاو صالون كبير جا شوكة كيتوفرعلى زوج سراجم الشي لي كيعطيه إضاءة أكثر ومصبوغ فالبيض،ومفرش بستيل عصري بفطويات مناسبة مع الفصالة والسقف مزين بديكور أنيق من الجبس فاللول الأبيض والأسود لي ضاف لمسة جميلة.
الغرفة1: الغرفة متيسعة كتوفر على أثاث عصري سرير وكوفزات وبلاكار كبير فالحيط وعندها سرجم وبالكون بإطلالة على الشارع و مجهز ببلاكار من الأليمنيوم لوضع المستلزمات.
الكوزينة: الفصالة دالكوزينة جات على شكل طولي مزلجة بزليج عصري فاللونين الأبيض والأسود و وفيها بلاكارات من الأليمنيوم.
الشقة: الشقة كتواجد فالطابق الأول الحالة القانونية ديالها محفظة مساحتها 73 متر مكونة من ثلاث غرف وصالون وكوزينة وحمام وبالكون بإطلالة على الشارع الرئيسي الموقع د الشقة مميز بزززاف على بعد دقيقة من البحر والحي كيتبناو فيه مجموعة كبيرة من الإقامات السياحية بمواصفات عالية و كيتفتحو فيه محلات تجارية كثيرة فالتجزءة اللي جات فيه الأبارتومون كاين سوبير مارشي و محل د كلشي بخمسة دراهم و قهاوي و كل عمارة جديدة تبنات كتكون متوفرة على 3 أو خمسة د الكاراجات هذا كيعني أنه مازال بزاف د المحلات التجارية غايتفتحو و أنا متأكدة من بعد ماغاتجي تشوف الدار غادي تلاحظ التطور الكبير اللي كاين هنا و الكثرة د الإقامات اللي كيتبناو و أنا على يقين باللي الثمن غادي يطير من هنا 5 سنين و اللي كيفكر يستثمر ف الكرا غادي يربح مزيان حيت الدار قريبة عل البحر كيما كيبغيو الناس و ملي تبغي تبيع غادي تبيع بالثمن.
أما لكنتي كتفكر تشريها باش تسكن فيها بشكل دائم حتا هادي فكرة كنشجعك عليها حيت باقي الثمن مناسب و الموقع معتبر.
الحمام: الحمام مجهز بشكل جيد كيتوفر على سرجم صغير للتهوية.
الغرفة2: فيها طابلة للأكل مكونة من 6 مقاعد وبلاكار فالحيط من الأليمنيوم وكتوفر على سرجم بإطلالة على مدخل الإقامة
الغرفة 3: مخصصة للجلاس و كتوفر على بلاكار فالحيط وسرجم.
أهم ما كيميز الشقة أنها مشمسة و مهوية وفيها واجهتين والفصالة ديالها موديرن و كتبان بمساحة أكبر و كتباع بفراشها ومالين الدار مهتمين بأدق تفاصيلها حيث ساكنين فيها و ماشي مخصصينها للكراء و نتوما عارفين الفرق..
وصلنا لنهاية العرض ومبقالي غير نعطيكم ثمن هاد الشقة المميزة لي هو 60 مليون قابل للتفاوض.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
كانت معاكم ليلى من شركة أمرتيل كنتمنا نكون توفقت ف عرض الشقة ليكم ونتلاقاو فعرض جديد وشقة جديدة.
شكرا.
