السلام عليكم متتبعي شركة أمرتيل للتسويق العقاري والسياحي كنتمنا تكونوبصحة جيدة وفأحسن الأحوال ، اليوم أمرتيل جابت ليكم واحدة من أفضل الشقق شقة عصرية راقية بشارع الجيش الملكي لي كيعتبر من أشهر الأحياء فالمدينة وهو القلب النابض بحيث كيتوفرعلى العديد من المصالح الإدارية والاسواق والمقاهي والابناك ،المؤسسات التعليمية الخصوصية وحتى العمومية ، الشقة كتواجد فمقع جميل قريب على جميع المرافق الأساسية وحتى باب العقلة ومسجد المصلى والعيادات الطبية .
الشقة كتواجد بإقامة كتوفر على مرآب للسيارات خاص بسكان الإقامة المرآب أمن ومجهز بكاميرات للمراقبة وحارس على مدار الساعة أيضا كيتوفر على مصعد وكاميرات داخل الإقامة.
الغرفة1: فمدخل الشقة كنلقاو الغرفة الأولى لي كتوفر على مساحة كبيرة مصبوغة فاللون البيج بصباغة الياقوتة لي كضيف جميلة على المكان. الغرفة كتوفر على طيغاس كبيرة مجهزة بشكل جميل مغطية بالخشب بجودة ممتازة فاللون الاخضر، كيما كتشوفو مساحتها كبيرة بزاف ممكن تجهزوها بجليسة جميلة خصوصا الإطلالة ديالها على مدينة تطوان وجبالها.
الصالون: هادا الصالون الاول فالشقة كيتوفر على مساحة كبير مصبوغ بصباغة الياقوتة فالبيج فكيما كتشوفو الصالون راقي وانيق ،السقف مزين بزخرافات تقليدية من الجبس لي زادت من جماليتو ، الصالون مشمس مزيان بحيث كيتوفر على ثلاثة ديال السراجم وبالكون كبير بإطلالة بانورامية على مسجد المصلى.
الصالون2: الصالون الثاني فالشقة مفتوح الصالون على الأول حتى هو متيسع كيتوفر على نفس الديكور والصباغة ايضا كيتوفر على سرجم لي كيخليه مشمس ومهوي طول النهار .
الحمام: الشقة كتوفر على زوج حمامات هدا الحمام الاول فالدخلة كنلقاو فاسك جميل مع بلاكار من الخشب ، الحمام متيسع مزلج بزليج ممتاز فاللون الأزرق والرمادي، ومنظم بشكل جميل كيتوفر على حوض إستحمام مفصول بباب من الأليمنيوم والزاج.
الغرفة1: الغرفة الأولى كبيرة الأرضية مزلجة بزليج عصري مصبوغة فاللون البيج السقف مزين بديكور من الجبس الغرفة مشمسة ومهوية بفضل السرجم لي كتوفر عليه.
الشقة: الشقة كتواجد فالطابق الخامس بعمارة مكونة من ست طوابق الحالة القانونية ديالها محفظة مساحتها 250 متر مكونة من اربع غرف و2صالونات و3شرف وكوزينة وزوج حمامات.
الكوزينة: الكوزينة كتوفر على مساحة كبيرة مزلجة من الارض حتى للسقف ضايرة كاملة ببلاكارات كبار من الخشب الممتاز ، ايضا كتوفر على بلاكار كبير . الكوزينة كتوسطها طابلة كبيرة للأكل مكونة من 6 مقاعد ايضا كاين سرجم لي كيساعد فالتهوية ديالها.
الغرفة2: هاد الجانب من الشقة كيجمع غرفتين الأولى مخصصة للوليدات متيسعة وحتى هيا مصبوغة فاللون البيج أيضا كتوفر على بلاكار كبير فالحيط.
الغرفة3: هادي الغرفة الرئيسية فالشقة كتوفر على حمام خاص بيها كيما كتشوفو مزلج مزلج بزليج عصري فاللون الرمادي منظم بشكل جميل وراقي، الغرفة كبيرة كتوفر على زوح بلاكارات كبار فالحيط من الخشب الممتاز، ايضا كتوفر على بالكون محهز بطريقة جميلة ببلاكارات كبار الاول من الخشب والثاني من الاليمنيوم وحتى هو عندو إطلالة رائعة على الشارع.
الشقة كيما تابعتو مشاهدينا راقية غالب عليها اللون البيج لي كيتعتبر من الالوان الحيادية والهادئة وعندها بريق مميز لي كضيفو على الشقة وكيتناسب مع الأثات ، الشقة كتوفر على ثلاثة دالواجهات بإطلالة رائعة وايضا كيخليو الشقة مشمسة ومهوية طول النهار . ودابا وصلنا لاخر العرض ومبقالي غير نقولكم ثمن الشقة لي هو 200مليون قابلة للتفاوض.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
وبهذا أعزائي كنكونو وصلنا لنهاية العرض طاقم أمرتيل كيشكركم على المتابعة وإلى اللقاء فعرض جديد .
