السلام عليكم متابعي شركة امرتيل للتسويق العقاري كنتمنا تكونو بخير وفأحسن الأحوال اليوم غنقدمو ليكم شقة أنيقة للبيع بحي التقنية فمدينة تطوان.
* الشقة فعمارة مكونة من اربع طبقات كل طابق كيتوفر على ثلاث شقق سكنية.
السيجور: فمدخل الشقة كنلقاو سيجور جميل مجهز بجليسة انيقة من الخشب والسقف مزين بديكور من الخشب لي رجع موضة رائجة بالإضافة لي سبوط لي كضيف اللمسة ديالها على المكان.
الصالون1: l'appartement عندها زوج صالونات مفتوحين على بعض كل واحد وستيل ديالو هذا الصالون الاول كيتميز بستيل عصري مفرش بفوطويات فالبيج والبني الون متناسقة مع صباغة دالحيط والسقف مزين بالجبس مع ثريا رائعة لي زادت من جماليتو .
الصالون 2: هذا الصالون الثاني مفرش بطريقة تقليدية أصيلة فاللون الأحمر الملكي وحتى السقف مزين بزخرفة من الجبس لي مكيخطاش أي دار مغربية، الصالون عندو سرجم لي كيعطيه الإضاءة الطبيعية.
* الشقة كاينة فالطابق الثالث بمساحة 100 متر محفظة مكونة من زوج صالونات وغرفتين وكوزينة وحمام بالإضافة لشرفتين.
الغرفة1: الغرفة الأولى مصبوغة فالبيج مفرشة بناموسية وكوفوز وماريو كبير من الخشب وعندها بالكون بإطلالة على الشارع الرئيسي و كيخلي البيت مشمس.
* الدار قريبة من جميع المرافق الضرورية محلات تجارية ومؤسسات تعليمية والمقاهي وأيضا قريبة على المسبح المغطى وملعب سانية الرمل والأسواق منهم سوق سانية الرمل والتوتة.
الغرفة2: هاذي الغرفة الانية أنيقة عندها بلاكار كبير فالحيط فالحيط والسقف بديكور عصري من الجبس ولي سبوط وعندها سرجم كيطل على بهو الإقامة.
* الشقة جات فشارع كابل لي كيتعتبر من الشوارع الرئيسية لي كيربط بين شارع عبد الخالق الطوريس فاتجاه مرتيل وشارع الجيش الملكي فتجاه المضيق الشي لي كيخلي الموقع يعرف حركة تجارية مهمة.
الحمام: كيتميز بتجهيز عصري مزلج كامل فالرمادي بزليج ممتاز وجديد الحمام منظم بشكل أنيق وجميل كيتوفر على دوش مفصول بباب من الزاج.
الكوزينة: الكوزينة متيسعة وأنيقة مزلجة كاملة وضايرة ببلاكارات من الخشب وحتى السقف مزين بالجبس بالإضافة لطابلة للأكل
* الكوزينة عندها باطيو صغير مجهز برفوف صغار لوضع الأغراض وبلاصة للسخان وكيساعد حتى فالتهوية د الكوزينة من دخان الطياب.
* الدار كتباع بالفراش ديالها لي كيتميز بمزيج بين العصري والتقليدي لي زاد من جماليتها وكتوفر على واجهة وحدا بإطلالة على الشارع الرئيسي . ودابا مبقالي غير نعطيكم ثمن الشقة لي هو 90 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
