السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة اليوم غنقدمو ليكم شقة رائعة للبيع بحي زيانة فمدينة تطوان الجميلة.
* الدار كتواجد فعمارة آمنة وهادئة مجهزة بكاميرات للمراقبة وحارس لي كيتواجد على مدار الساعة.
* الصالون1: فمدخل الشقة كنلقاو 2 د الصالونات مفتوحين على بعض وكل واحد عندو طابع خاص بيه هذا الصالون الأول مصبوغ بالعنبرة ومفرش بستيل عصري جميل والسقف مزين بالجبس بطريقة تقليدية.
الصالون2: هذا الصالون الثاني كيتميز بمساحة كبيرة مصبوغ فالبيج والبني مفرش بتفريشة مغربية مع جليسة بفوطويات عصرية بالإضافة للسقف لي مزين بالجبس كيزيد من جماليتو وطبعا كيتوفر على زوج سراجم لي كيخليواه مشمس ومهوي
* الشقة كتواجد فالطابق الرابع محفظة مساحتها 100 متر مكونة من 2 صالونات وغرفتين وكوزينة وحمام.
الحمام: هذا الحمام مزلج فالأزرق منظم بشكل جميل كيتوفرعلى حوض استحمام بالإضافة لسدة لوضع الأغراض.
الغرفة1: فاللون الوردي عندها سرجم على شكل مستطيل كيطل على الغرفة الثانية وكيما كتشوفو مساحتها كتستوعب سرير مع ماريو وحتى الكوافوزات.
* الدار قريبة على جميع المرافق الأساسية: محلات تجارية مؤسسات تعليمية ورياض زيانة والمساجد وأيضا على الشارع الجيش ب 500 متر وحتى من الأكاديمية الإقليمية للتعليم والتدريب وسوق سانية الرمل .
الكوزينة: متيسعة مزلجة كاملة ومجهزة ببلاكارات من الخشب وعندها سرجم لي كيساعد فالتهوية من دخان الطياب
الغرفة 2: الغرفة الثانية كبيرة فاللون البنفسجي مجهزة ببلاكار كبير فالحيط من الخشب مع بلاصة للتلفازة بالإضافة لسرجم للإضافة والتهوية.
* الشقة عندها بيت صغير خاص بيها فالسطح مجهز بالما والضو وممكن تستغلوه للأغراض وحتى الحولي د العيد وكاين بركينغ كبير ومأمن، الناس لي عندهم السيارة ممكن يخليوها تما وكيخلصو إيجار شهري لي هو 300 درهم .
ودابا مبقالي غير نعطيكم ثمن الشقة لي هو 69 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
