السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة، اليوم جبنا ليكم شقة جميلة للبيع بشارع الجيش الملكي بمدينة تطوان.
* الشقة كتواجد بعمارة صغيرة مكونة من 4 طوابق أربع طوابق كل طابق فيه شقة وحدة، العمارة مجهزة بكاميرات للمراقبة.
الصالون1: فمدخل الشقة كنلقاو جوج صالونات مفتوحين على بعض هذا الصالون الأول كيتميز بمساحة كبيرةوالسقف مزين بديكور عصري من الجبس والإضاءة د لي سبوط وسرجم لي كيخليه مشمس ومهوي.
الصالون2: هذا الصالون الثاني حتى هو مزين بالجبس لي كيضيف لمسة من الأناقة والإضاءة د لي سبوط وعندو سرجم بإطلالة على الشارع.
*الشقة عندها زوج واجهات لي كيخليوها مشمسة ومهوية طول النهار.
الكوزينة: الكوزينة كتعتبر أهم جزء فالشقة وكيكون عندها قدر كبير من الإهتمام أصحاب الشقة اختارو أنهم يجهزوها بتصميم عصري أمريكي مفتوحة على صالة مونجي لكثرة المميزات ديالها منها أنها كتعطي مساحة أكبر وسهولة فالحركة وحتى الإضاءة مجهدة بالإضافة للباطيو لي كيساعد فالتهوية ديالها.
صالة مونجي: هادي صالة مونجي حتى هيا لا تقل جمالية على الصالونات بزوج السقف مزين بالبلافون ولي سبوط وعندها سرجم للتهوية والإضاءة.
الحمام1: الشقة عندها زوج حمامات هذا الحمام الأول كيتوفر على مساحة كبيرة مزلج كامل بزليج عصري ممتاز.
* البرطما كاينة فالطابق الأول الوضع القانوني ديالها ملكية مساحتها 155 متر، مكونة من ثلاث غرف وزوج صالونات وكوزينة بستيل أمريكي مع صالة مونجي وبالطيو وزوج حمامات بالإضافة للسطح خاص بيها.
الغرفة1: الدار كتوفر على ثلاثة د الغرف، هادي الغرفة الأولى متيسعة مزلجة عندها باب لي كيخرج للباطيو وفنفس الوقت كتبقا الغرفة مضوية.
الغرفة2: هذا البيت الثاني مكيختلفشي على الأول السقف مزين بالبلافون ولي سبوط وعندها سرجم للإضاءة الطبيعية.
* الدار قريبة على جميع المرافق منهم المؤسسات التعليمية مصحة الريف العيادات الطبية والمحلات والمراكز التجارية حتى المصالح الإدارية.
الغرفة 3: هادي الغرفة الثالثة وهي الرئيسية كتميز بمساحتها الكبيرة هنا مع الدخلة كاين بلاصة مخصصة للبلاكارمتيسعة وتساع لجميع الأغراض
الغرفة عندها حمام خاص بيها مزلج كامل وبمساحة كبيرة وتصميم عصري، سقف د البيت مزين بالبلافون والإضاءة المميزة بالإضافة لباب لي كتخرج للباطيو لي كيعطيه الإضاءة والتهوية .
*كيما كتلاحظو الشقة مبقاش فيها الإصلاح بزاف حيث أصحابها عودها كاملة جابو مهندس من مدينة طنجة ب3 د المليون غير باش يعاود ليها التصميم وحيدو الحيوط خلاو غير الصواري وعاودوهم من جديد الجبس والصباغة والزليج لي كدشوفو كامل جديد وبكاليطي جد ممتازة.
السطح : الدار عندها سطح ديالها خاص بيها مجهز بالما وبأسلاك للنشير وعندو إطلالة رائعة على مدينة تطوان وجبالها الساحرة.
موقع الشقة استراتيجي وتيجاري ومعروف أن شارع الجيش الملكي هو القلب النابض لمدينة تطوان ومن أحسن الشوارع لي كاينة فيها ودابا مبقالي غير نعطيكم ثمن الشقة لي هو 114 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
