السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة اليوم جبنا ليكم دوبليكس عصري بحي العوامة بمدينة طنجة .
* الدوبليكس كاين بإقامة آمنة وجميلة مجهزة بمصعد وحارس على مدار الساعة.
الصالون: فمدخل الشقة كنلقاو صالون بمساحة كبيرة كيتميز بتفريشة مغربية عصرية كتجمع ما بين الفخامة والإبداع بألوان راقية متناسقة، والسقف مزين بالبلافون مع الإضاءة الحديثة والمميزة لي كتزيد من فخامة الصالون وطبعا حتى السرجم لي كيزيد الإضاءة الطبيعية.
الحمام1: الشقة كتوفر على زوج حمامات هذا الحمام الأول هذا الحمام الأول مزلج كامل ومجهز بستيل جديد وراقي والوش مفصول بباب من الزاج.
* هنا كاين الدروج لي كيهبطو للإيطاج الأول للدوبليكس مصممين بالخشب بديكور عصري أنيق.
السيجور: وهنا كاين سيجور حتى هو مصمم بالخشب بشكل عصري راقي.
البالكون: البالكون كيطل على بهو العمارة مجهز بالما والضو وبلاصة لماكينة د الصابون وفنفس الوقت كيخلي السيجور مشمس.
الكوزينة: الشقة عندها كوزينة بستيل أمريكي مفتوحة على الصالون كتميز بكونها من التصميمات الحديثة ولي الأغلب رجع كيفضلها لكثرة المميزات ديالها منها أنها كتعطي حرية فالتحرك بكل سهولة والإضاءة القوية وحتى المساحة الكبيرة،، الكوزينة مجهزة ببلاكارات من الخشب بجودة عالية وبأدث التجهيزات.
* الشقة مجهزة بأحدث التجهيزات الكليماتيزور والسقف من البلافون لي كيتعتبر من أرقى وأحسن الأسقف.
الصالون2: هذا الصالون الثاني مقابل مع الكوزينة مصبوغ فالبيج بصباغة البلاتينية، مفرش بطريقة عصرية بفطويات بألوان جميلة والسقف مزين بديكور من الجبس.
لاطيغاس: لاطيغاس كبيرة عندها إطلالة جميلة على المسجد والمدينة وفنفس الوقت كتساعد فالتهوية ديال الكوزينة والصالون.
* ودابا نكتاشفو الطابق الأول لي هو عبارة عن غرف وصالون .
الغرفة1: فاللون الأبيض لون الهدوء والراحة مخصصة للوليدات مفرشة بزوج ناموسيات مع زوج بلاكارات بالإضافة لبالكون بتصميم جميل وفنفس الوقت كيعلى الأول ساعد فالإضاءة د الغرفة.
الغرفة2: كتميز بالإناقة مفرشة بستيل عصري راقي ناموسية وماريو مع كوفوزات، وعندها سرجم لي كيعطيها الإضاءة والتهوية.
* موقع الشقة جميل وآمن قريب من جميع المرافق المهمة محلات تجارية ومؤسسات تعليمية تعليمية والمسجد وقريبة من الطريق السيار ( autoroute) .
الغرفة3: مساحتها كبيرة مفرشة بناموسية وكوفوزات وبلاكار كبير فالحيط بجودة ممتازة، الغرفة عندها بالكون لي كيخليها مشمسة ومهوية.
الحمام: هذا الحمام الثاني مكيختلفش على الأول نفس التصميم والتجهيزات.
* الدوبليكس كيتواجد فالطابق الرابع والخامس الحالة القانونية ديالو محفظ المساحة د الطابق الأول 65 والطابق الثاني 86 إجمالي المساحة هو 151 متر، الدوبليكس مكون من ثلاثة د الصالونات وثلاث غرف وكوزينة بستيل أمريكي و حمامين بالإضافة لشرفة كبيرة.
الصالون 3: هذا الصالون الثالث كيتميز بطابع مغربي أصيل مصبوغ فالرمادي لي كيتماشا مع ألوان التفريشة وحتى السقف المزين بالبلافون والإضاءة العصرية زادو لمسة من الفخامة والرقي على الصالون.
الدوبليكس أنيق كيمتاز بالفخامة من حيث التصميم وحتى الفصالة بالإضافة للديكورات د الجبس لي كتزينو وكضيف لمسة من الرقي.
ودابا مبقالي غير نعطيكم ثمن الدوبليكس لي هو 230 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
