السلام عليكم متابعي شركة أمرتيل للتسويق العقاري كنتمنا تكونو بخير وعلى خير اليوم غنقدمو ليكم شقة جميلة بتصميم عصري فالحومة الجديدة بمدينة مرتيل.
* الشقة كتواجد فعمارة صغيرة مكونة من ثلاث طوابق وكل طابق فيه ثلاث شقق .
الصالون: فمدخل الشقة كنلقاو صالون كيتميز بمساحة كبيرة مفرش بستيل عصري بفطويات فاللون البيج بالإضافة لطابلة صغيرة للأكل، الصالون كيتوفر على سرجم لي كيعطيه الإضاءة والتهوية.
الحمام: مزلج كامل فالرمادي بزليج جديد وبجودة ممتازة ومنظم بشكل جميل وطبعا كيتوفر على سرجم للتهوية.
* الشقة كاينة فالطابق الثالث بمساحة 60 متر الوضع القانوني ديالها محفظة مكونة من غرفتين وصالون كبير وحمام وكوزينة.
الغرفة1: الغرفة الأولى فالأبيض مساحتها كتستوعب سرير مجهزة ببلاكارفالحيط وعندها سرجم للإضاءة.
* الدار عندها جوج واجهات الشي لي كيخليها مشمسة على طول النهار.
الكوزينة: الكوزينة مزلجة كاملة فالأحمر والأبيض مجهزة ببلاكارات من نوعية Mdf بجودة عالية وكتوفر على جميع الأجهزة لي تحتاجو بالإضافة لسرجم لي كيساعد فالتهوية ديالها.
* البرطما قريبة من المرافق لي تقدر تحتاجو المسجد وجامعة عبد المالك السعدي والمحلات التجارية والمؤسسات التعليمية .
الغرفة2:هاذي الغرفة الثانية كتميز بتصميم عصري جميل وبمساحة كبيرة السقف مصبوغ فاللون الأسود مع لي سبوط بالإضافة لبلاكار فالحيط من الخشب وسرجم للإضاءة والتهوية.
* الشقة جميلة مجهزة بأحداث الأجهزة وايضا كتميز بموقعها المميز خاصة أنه قريب على جامعة عبد المالك السعدي فممكن تشريها وتستثمر فيها فالكراء الشهري وحتى اليومي.
ودابا مبقالي غير نعطيكم ثمن الشقة لي هو 50 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
