السلام عليكم متابعي شركة أمرتيل للتسويق العقاري كنتمنا تكونو بأفضل حال، اليوم جبنا ليكم شقة فاخرة بتصميم عصري وانيق فحي الشلال لي كيتعتابر من أجمل الأحياء العريقة فمدينة الحمامة البيضاء .
* الشقة كتواجد بعمارة مكونة من ست طوابق وكل طبقة كتوفر على شقتينن.
* المدخل ديال العمارة مجهز بطريقة جميلة مزين بنبتات لي كتعطي للمدخل البهجة ولمسة خاصة من الجمال والعمارة كتوفر على كاميرات للمراقبة والمصعد ومرآب للسيارات وحارس على مدار الساعة .
الصالون: الشقة عندها ثلاثة د الصالونات مفتوحين على بعض هذا الصالون الأول عبارة عن صالة مونجي بتصميم حديث ولون أنيق وهي من الطاولات الفخمة كتميز بتفاصيل راقية لي كتعطي رونق جميل للشقة ومصنوعة من الزاج والخشب بجودة عالية .
* الصالة كتميز بديكورمرايا راقي لي رجع دبا من الأكسسوارات الشائعة مزينة بإضاءة د الليد بالإضافة لجردة داخلية صغيرة لي كتعتبر من التصاميم العصرية والمميزة و كتعطي لمسة من الجمال لافت داخل الدار .
الصالون2: هذا الصالون الثاني مفرش بفطويات بستيل عصري بلون البيج والسقف مزين بالبلافون مع الإضاءة د لي سبوط بالإضافة لثريا لي زادت لمسة جميلة أنيقة
* الصالون مزين بديكورات من الفخار وقنصلة بطراز تقليدي جميل وطبعا كيتوفر على سرجم لي كيعطيه الإضاءة والتهوية.
الصالون 3: هذا الصالون الثالث كيتميز بمساحة كبيرة مفرش بطريقة راقية و البلاصة د التلفازة مجهزة بديكور من الخشب والرخام بشكل جميل وألوان متناسقة والسقف مزين بالبلافون والإضاءة الحديثة.
* الصالون عندو سرجم كبير بإطلالة على بهو الإقامة وفنفس الوقت كيعطيه الإضاءة والتهوية.
الحمام: الشقة عندها زوج حمامات وهذا الحمام الرئيسي مزلج كامل مصمم بشكل عصري كيتوفر على فاسك من الرخام ودوش مفصول بباب من الزاج والسقف مزين بلي سبوط.
* الشقة قريبة على جميع المرافق المهمة،المحلات التجارية والمؤسسات التعليمية والموصلات محطة الطوبيس والطكسيات بالإضافة للمساحات الخضراء.
السيجور: هنا كاين سيجور جميل مصبوغ فالبيج بصباغة الياقوتة ومفرش بجليسة جميلة مع ديكورات أنيقة ولي كيميزو كثرهو ديكور الثريا لي عطا لمسة من الرقي والفخامة على المكان .
* الدار كتواجد فالطابق الأول بمساحة 197 متر ملكية مكونة من ثلاثة د الصالونات مفتوحين على بعض وغرفتين وزوج حمامات وكوزينة.بالإضافة لبالكون وباطيو.
الغرفة1: هادي الغرفة الأولى وهي الرئيسية مصبوغة فالبيج عندها مساحة كبيرة وكتميز بتصميم حديث وراقي مفرشة بناموسية مع كوافوز ديالها بالإضافة لشاشة عرض سينمائي كبيرة.
* الغرفة كتوفر على حمام خاص بيها مزلج كامل بنوعية ممتازة ومجهزة بستيل جديد فاسك من الرخام ودوش مفصول بالزاج.
* الغرفة عندها دريسنغ كبير فاللون الأبيض مصمم بطريقة جميلة من الخشب بجودة عالية وضاير كامل بالإضاءة باللإضافة لسرجم بإطلالة جميلة وكيخلي الغرفة مشمسة.
الغرفة2: هاذي الغرفة الثانية فاللون الرمادي بصباغة الياقونة المميزة مفرشة بسرير مع الكوفوز الغرفة كيما شاهدتو مصممة بستيل بسيط وجميل.
* البيت كيتوفر على بالكون متيسع عندو إطلالة على بهو العمارة.
الكوزينة: كتميز بمساحة كبيرة مزلجة كاملة ومجهزة بطريقة عصرية ببلاكارات من نوعية MDF بجودة عالية بالإضافة لجزيرة فالوسط مجهزة بالبلاك وبلاكارات.
* الكوزينة كتوفر على باطيو جميل مقسم كاين بلاصة لي ممكن تزينوها بالنبتات وفنفس الوقت كيساعد فالتهوية ديالها.
* وكيما كتشوفو كاين هنا بيت صغير لتخزين المستلزمات.
هادي من بين أحسن الشقق لي نالت الإعجاب ديالي شخصيا بسباب الأناقة والرقي لي فيها ولي عطاوها لمسة من الفخامة بالإضافة للموقع ديالها المعروف بالأمن والهدوء والقرب ديالو على جميع المرافق العمومية و الأساسية وكنبغي نقول مبروك مسبقا للغادي تكون من نصيبو .
ودابا مبقالي غير نعطيكم ثمن هاد الشقة المثالية لي هو 140 مليون بالفراش وطبعا الثمن قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
