السلام عليكم متابعي شركة أمرتيل للتسويق العقاري كنتمنا تكونو بخير و بأفضل حال، اليوم غنقدمو ليكم شقة راءعة للبيع برياض صوفيا بمدينة مرتيل.
* الدار كاينة فعمارة مكونة من ثلاث طوابق وكل طابق فيه 3 شقق سكنية.
* الصالون: فمدخل الشقة كنلقاو صالون متيسع مصبوغ فالبيج بصباغة الياقوتة المميزة والسقف حتى هو مزين بلي سبوط ومصبوغ فالبيج، الصالون مفرش بتفريشة عصرية جميلة وبألوان متناسقة مع الصباغة د الحيط وكاينة صالة مونجي جميلة مكونة من أربع مقاعد وطبعا الصالون كيتوفر على سرجم لي كيعطيه الإضاءة والتهوية.
* هنا فالكولوار بين الصالون وباقي الشقة كاين بلاكار كبيرفالحيط من الأليمنيوم لتخزين المستلزمات.
* الشقة كاينة فالطابق الثالث بمساحة 60 متر مكونة من صالون وغرفتين وحمام وكوزينة بالإضافة لشرفتين.
* الغرفة1: الغرفة الأولى مصبوغة بالياقوتة بألوان متناسقة ومفرشة بناموسية وماريو من الخشب بجودة ممتازة.
* الغرفة عندها بالكون بإطلالة على الشارع وفنفس الوقت كيخليها مشمسة ومهوية.
الحمام: الحمام مزلج كامل فالرمادي ومنظم بشكل عصري وكيتوفر على دوش مفصول بحيط.
* الشقة قريبة من المحلات التجارية والمؤسسات التعليمية قريبة من الطريق لي كتدي المدينة تطوان.
الغرفة2: هاذي الغرفة الثانية مصبوغة بألوان جميلة ومفرشة بزوج ناموسيات مع ماريو جميل فالأبيض وطبعا عندها سرجم لي كيعطيها الإضاءة والتهوية.
الكوزينة: الكوزينة مزلجة كاملة فالبيج والبني مجهزة ببلاكارات من الأليمنيوم بجودة عالية وكتوفر على جميع الأجهزة.
* الكوزينة عندها بالكون صغير لوضع الأغراض وكيساعد فالتهوية ديالها من دخان الطياب.
الشقة جميلة ومجهزة بستيل عصري أصحابها شراوها وعاودو الإصلاح ديالها كاملة من الصباغة والزليج والبلاكارات.
ودابا مبقالي غير نعطيكم ثمن الشقة لي هو 33 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
