السلام عليكم متابعي شركة أمرتيل كنتمنا تكونو بخير وعلى خير اليوم جبنا ليكم شقة جميلة للبيع بأحد أرقى أحياء مدينة تطوان حي الولاية.
* حي الولاية والمعروف بالحي الإداري كيتعتبر من ارقى أحياء المدينة حاليا وكيتواجد فيه مقر عمالة تطوان وأيضا أهم الإدارات والمرافق العمومية.
* الشقة كتواجد فالطابق الخامس بعمارة مكونة من من ست طوابق وكل طبقة كتوفر على ثلاتة د الشقق، العمارة كتوفر على مصعد ومرآب للسيارات فيه بلاصة خاصة بالشقة وحارس على مدار الساعة.
السيجور: فمدخل الشقة كنلقاو سيجور متيسع مصبوغ بصباغة أنيقة والسقف مزين بزخرفة جميلة من الجبس.
الصالونات 1: الشقة كتوفر على ثلاتة د الصالونات كبار مفتوحين على بعض هذا الصالون الأول متيسع مصبوغ بصباغة العنبرة بلون السيمون لي هو من أرقى الألوان وكيعطي إحساس بالبهجة والراحة داخل الشقة، سقف الصالون مزين بزخرفة جميلة من الجبس وطبعا كيتوفر على سرجم لي كيعطيه الإضاءة والتهوية.
الصالون2: الصالون الثاني حتى هو بنفس مواصفات الصباغة المميزة والأقواس د الجبس لي كدزيد من جماليتو وكيتوفر على سرجم .
الصالون3: هذا الصالون الثالث مكيختلفش على باقي الصالونات كيتميز بإطلالة رائعة على المساحات الخضراء و الولاية سانتر.
* الصالونات ب 3 مشمسين ومهوين بفضل السراجم .
* الشقة كتواجد فالطابق الخامس محفظة مساحتها 170 متر مكونة من ثلاثة د الصالونات كبار مفتوحين على بعض وأربعة د الغرف وزوج حماما ت وكوزينة مع باطيو بالإضافة لبالكون.
الغرفة1: الغرفة الأولى مصبوغة فاللون الأبيض كتميز بمساحة كبيرة والسقف مزين بزخرفة بسيطة وجميلة من الجبس.
* الغرفة كتوفر على سرجم بالإضافة لبالكون كيعطيوها الإضاءة والتهوية.
* الدار عندها واجهتين كيخليوها مشمسة ومهوية نهار كامل .
الحمام: الدار عندها زوج حمامات هذا الأول مزلج بزليج جميل بألوان أنيقة ومتناسقة وكيما كتشوفو مجهز مزيان.
الغرفة2: الغرفة الثانية عندها فصالة بسيطة وجميلة مصبوغة فاللون الأبيض لون وعندها سرجم لي كيعطيها الإضاءة .
الغرفة3: هادي الغرفة الثالثة متيسعة حتى هي عندها نفس التصميم وكتوفر على سرجم
* الشقة قريبة من جميع المرافق الضرورية المحلات التجارية والمقاهي و المؤسسات التعليمية الخصوصية والعمومية بالإضافة للولاية سانتر وجميع المصالح الإدارية والمساحات الخضراء.
الكوزينة: الكوزينة مزلجة كاملة فاللون البرتقالي والأبيض مجهزة ببلاكارات من الخشب لتحت ولفوق مساحة الكوزينة كتستوعب جميع الأجهزة
* الكوزينة كتوفر على سرجم وباطيو متيسع مجهز ببلاصة لماكينة الصابون والسحان.
الغرفة4: الغرفة الرابعة مكتختلفش على باقي الغرف حتا هي عندها فنسيون بسيطة ومتيسعة وطبعا عندها سرجم
*حي الولاية هو من أجمل وأرقى الأحياء لي كاينة فتطوان معروف بالأمن والهدوء .
الحمام2: هذا الحمام الثاني مزلج كامل فالأبيض والبنفسجي مجهز بطريقة عصرية جميلة كيتوفر على حوض استحمام.
الشقة كتميز بمساحة كبيرة وتصميم عصري أنيق وحتى الموقع ديالها ممتاز للسكن موقع هادئ قريب لكل ما تحتاجو وأمن . ودابا مبقالي غير نعطيكم ثمن الشقة لي هو 175 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
