السلام عليكم متابعي شركة أمرتيل للتسويق العقاري كنتمنا تكونو بصحة جيدة وفأفضل حال، اليوم جبنا ليكم شقة جميلة للبيع فحي الواد المالح بمدينة مرتيل.
* الشقة كاينة فعمارة أمنة وجديدة حديثة البناء مكونة من ثلاث طوابق وكل طبقة فيها شقة وحدة، بالإضافة لمرآب للسيارات تحت العمارة كيتوفرعلى مساحة كبيرة .
* مدخل العمارة مجهز بطريقة جميلة عصرية مزين بالجبس بديكور راقي .
الصالون: فمدخل الشقة كنلقاو صالون متيسع فاللون الأبيض لون الهدوء والأناقة والأرضية مزلجة مزيان والسقف مزين بديكور عصري من الجبس بالإضافة لسرجم لي كيعطيه الإضاءة و التهوية.
الغرفة1: الغرفة الأولى كتوفر على تصميم بسيط وجميل السقف مزين بالبلافون مساحتها كتستوعب سرير مع كوفوز وماريو.
* الغرفة كتوفر على بالكون صغير كيعطيها الإضاءة والتهوية.
* الشقة كاينة فالطابق الأول بمساحة 77 متر الوضع القانوني ديالها ملكية لكن الأرض لي مبنية عليها محفظة.
الغرفة2: الغرفة الثانية مكتختلفش على الأولى عندا نفس التصميم الغرفة مشمسة مزيان كتوفر على سرجم وبالكون لي كيطل على الأرضي.
الحمام: الحمام كيتوفر على مساحة كبيرة مزلجة ومجهز مزيان.
* الدار عندا واجهتين الشي لي كيخليها مشمسة ومهوية نهار كامل.
الكوزينة: الكوزينة مزلجة كاملة بزليج ممتاز ومجهزة ببلاكارات بجودة عالية، مساحة الكوزينة كتستوعب جميع الأجهزة.
* الكوزينة عندا بالكون لي كيساعد فالتهوية ديالا وممكن تستغلوه لوضغ الأغراض والمستلزمات.
* الشقة قريبة على المؤسسات التعليمية والمساجد والمحلات التجارية.
الشقة كيما شفتو جميلة كتميز بفصالة أنيقة كاينة فعمارة جديدة كتوفر على نفس الشقق بنفس المواصفات وهاد الشقة هي مثال للجميع الشقق ودابا مبقالي غير نعطيكم ثمنها لي هو 55 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
