السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة ، اليوم جبنا ليكم شقة راقية بتصميم عصري فحي أحريق بمدينة مرتيل.
* موقع الشقة جا قريب لجميع المرافق لي تحتاجو السوق المحلات التجارية بحال بيم والمواصلات الطوبيسات وحتى الطكسيات المؤسسات التعليمية وأيضا قريبة من البحر والكورنيش ومارتيل سانتر.
* العمارة كتوفر على بركينغ بمساحة كبيرة آمن مجهز بكاميرات للمراقبة، والشقة عندا بلاصة خاصة بيها محفظة ومساحتها 12 متر.
المدخل د العمارة جميل وأنيق مزلج ومجهز بكاميرات للمراقبة أيضا مجهزة بالمصعد ومكونة من ثلاث طوابق كل طاب قفيه شقتين.
هذا المدخل دالشقة أنيق وتقدرو تعملو فيه بلاكار صغير مع مرايا أو تزينوه بنبتات على ذوقكم.
الصالون: الصالون متيسع جا على شكل طولي مصبوغ فالبيج بالياقوتة والأرضية مزلجة بزليج جديد ونوعية ممتازة.
* سقف د الصالون مزين بديكور أنيق من الجبس مع الإضاءة دلي سبوط بالإضافة لثريا لي زادت من جماليتو، وأيضا كاين سرجم لكيعطيه الإضاءة والتهوية.
* الشقة كتواجد فالطابق الأول بمساحة 93 متر محفظة مكونة من صالون و3 د الغرف وكوزينة مع باطيو وحمام بالإضافة لبالكون.
الغرفة1: هادي الغرفة الأولى متيسعة حتى هيا مصبوغة فالبيج مصممة بستيل عصري فيها ناموسية لشخصين وكدبقا المساحة فين تعملو البلاكار أو بيرو .
* الغرفة كتوفر على سرجم وبالكون بالأليمنيوم والزاج وفنفس الوقت كيساعد فالتهوية دالغرفة.
الغرفة2: هاذي كيتميز عندا فنسيون جميلة المساحة ديالها تستوعب سرير مع بلاكار وعندا سرجم للإضاءة .
الحمام: الحمام كيتميز بمساحة كبيرة وتنظيم راقي مزلج بزليج جديد كيتوفر على دوش مفصول بباب من الزاج وفاسك موبلي.
الكوزينة: الكوزينة مزلجة من الأرض للسقف فالرمادي مجهزة ببلاكارات بجودة عالية، المساحة د الكوزينة كتستوعب جميع الأجهزة.
* الكوزينة كتوفر على باطيو متيسع مزين بنبتات وكيسااعد فالتهوية د الكوزينة وتقدرو تنشرو فيه وتعملو فيه ألعاب للوليداتكم.
الغرفة3: الغرفة الثالثة مكتختلفش على باقي الغرف حتى هيا نفس الفنسيون الراقية.
* الغرفة عندا باب لي كيخرج للباطيو مشروك بينها وبين الكوزينة.
الموقع د الشقة جميل قريب على جميع المرافق وأيضا قريبة بزاف من من المسرح الجديد لي كيتبنا فمرتيل.
* الدار جديدة كتميز بفصالة جميلة وتجهيزات عصرية، ودابا مبقالي غير نعطيكم ثمنها لي هو 108 د المليون قابلة للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري....
