السلام عليكم متابعي شركة أمرتيل للتسويق العاقري كنتمنا تكونو بخير وبأفضل حال اليوم جبنا ليكم دار مستقلة بثلاث طوابق للبيع فمدينة تطزتن بالضبط فسفير.3
الدار رقيبة لجميع المرافق لي تحتاجو المحلات التجارية كبرى بحال كارفور المساجد المؤسسات التعليمية بالإضافة للمقاهي ولامطاعم.
* الدار كتوفر على كراج بمساحة كبيرة يستوعب زوج سيارات وفيه بلاصة بالسدة لتخزين الأغراض كيما كتشوفو الكراج مزلج وحتى السدة من الخشب وكاين بابا لي منها ممكن دخلو للدار .
* الدروج مزلجين بالزليج المغربي التقليدي فالأبيض والأزرق ومزينين بنبتات لي عطاوهم لمسة جميلة
هذا الطابق الأول مخصص للغرف والمطبخ والحمام.
الغرفة1: الغرفة الأولى كبيرة مفرشة بناموسية وكاين بلاصة لي تستوعب ماريو من الحجم الكبير وكتوفر على سرجم بإطلالة على الشارع .
الغرفة كتوفر على حمام خاص بيها مزلج وكيما كتشوفو مجهز بطريقة جميلة ومنظم مزيان كيتفر على حوض استحمام بالإضافة لسرجم للتهوية.
الغرفة2: الغرفة الثانية مكتختلفش فالمساحة على الأولى مجهزة كبيت للجلاس مفرشة بفطويات وعندا بلاكار فالحيط وسرجم كبير.
الغرفة 3: الغرفة الثالتة حتى هي كبيرة مفرشة بطريقة تقليدية مصبوغ فالأبيض كتوفر على سرجم بإطلالة على الشارع وكيعطيها الإاضءة والتهوية .
* الطابق الأول مكون من ثلاث غرف وحدة مع حمام خاص بيها وكوزينة مع صالة للأكل وحمام وباطيو .
الحمام: هذا الحمام الرئيسي مزلج فالأسود بزليج عصري وكيتوفر على سرجم
الكوزينة: الكوزينة كبيرة مزلجة ضايرة بباكارات د الخشب لتحت ولفوق مجهزة مزيان .
الكوزينة كتوفر على باطيو في أسلاك للنشير ومجهز بالما.
كيما كتشوفو الكوزينة كتوفر على صالة فيها بلاصة للثلاجة وأيضا طابلة لأربعة أشخاص وممكن تفرشوها بفطويات.
* ودابا نكتاشفو الطابق الثاني لي مخصص للصالونات المميزة والراقية.
الصالون1: هذا الصالون الأول مفرش بفطويات د الجلد فالأسود والسقف مزين بزخرفة تقليدية من الجبس.
الصالون2: الصالون الثاني كيتميز بمساحة كبيرة وتفريشة تقليدية بامتياز وبألوان راقية ومتناسقة .
أكثر ما كيميز الصالون هو الزخرفة التقليدية الأصيلة د الجبس لي زادت فخامة للصالون وطبعا كيتوفر على سرجم للإضاءة والتهوية.
* الطابق الثاني مكون من 3 دالصالونات وسيجور وحمام .
الصالون3: الصالون الثالث متيسع مزلج للنصف بزليج بزخرفة مغربية الشي لي عطا تناسق جميل مع التفريشة.
الحمام: مكيختلفش على الأول مزلج ومنظم بشكل جميل ومجهز بحوض استحمام .
هذا الطابق الثالث فالمدخل كنلقاو صالون فالأبيض متيسع الأرضية مزلجة كيتوفر على سرجم كبير للإضاءة.
الغرفة1: مساحة الغرفة كتستوعب سرير وكوافوز بالإضافة لبلاكار وأيضا كتوفر على سرجم .
* الطابق الثالث مكون من 2 صالونات وغرفة وكوزينة مع صالة للأكل وحمام.
الصالون2: الصالون الثاني حتى هو كيتميز بمساحة كبيرة مصبوغ فالابيض عندو سرجم كبير ممكن تحولوه لغرفة.
الحمام: الحمام الثالث كيتوفر على مساحة كبيرة مزلج كاملة وأيضا كاين سرجم للتهوية.
الكوزينة: الكوزينة مزلجة ومجهزة ببلاكار د الخشب لتحت وعندا سرجم كبير لي كيساعد فالتهوية ديالها.
* الكوزينة كتوفر على صالة لي ممكن تجهزوها بطابلة للأكل مع تلفازة أو جليسة بفطويات.
* الوضع القانوني للدار محفظة المساحة ديالها 110 د الأمتار مكونة من سفلي فيه كراج و 3 طوابق.
السطح: السطح كيتوفر على بيت بمساحة كبيرة مجهز ببلاكار كبير للتخزين.
* السطح كبير ومجهز بالما وكاين إيمكانية دزيد و طبقة الرابعة.
دار كيما كتشوفو جميلة مصممة بستيل تقليدي من الزاج والجبس وحتى الفراش لي كيعطها لمسة مغربية أصيلة.
موقع الدار قريب لجميع المرافق لي تحتاجو أيضا موقع هادئ ومعروف بالأمن ديالو وجميع المواصلات قريبة ليه .
ودابا مبقالي غير نعطيكم ثمنها لي هو 300 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
