السلام عليكم متابيع شركة امرتيل للتسويق العقاري كنتمنا تكونو بصحة جيدة وفأفضل الأحوال اليوم جبنا ليكم فيلا راقية للبيع بحي رياض صوفيا فمدينة مرتيل.
الفيلا قريبة من المسجد والطريق لي كتدي لكابو نيكرو وفمخططات التعمير كاينة طريق غدوز قدام الفيلا مختصرة لمرجان وأيضا قريبة للطريق لي كتدي لمدينة تطوان.
الفيلا كتميز بجردة كبيرة لي تجهزوها بجليسات وتستمتعو بيها أو تغرسو فيها نبتات لي تزيد من جماليتها.
* هذا الطابق الأول من الفيلا مكون من صالون كبير وغرفة وحمام بالإضافة لبالكون.
الصالون1: هذا الصالون الأول لي كنلقاوه فالمدخل د الفيلا كيتميز بمساحة كبيرة لي تناسب تفريشة تقليدية ، السقف د الصالون مجهز البلافون مع لي سبوط .
* الصالون كيتوفر على مدفأة لي زادتو أناقة بالإضافة للسرجم كبير وبالكون بإطلالة جميلة على المسبح وكيبان منها حتى الأرضي لي قراب للفيلا.
الغرفة1: الغرفة الأولى متيسعة مساحتها تستوعب سرير مع كوافوز الغرفة مشمسة مزيان جات شوكة كتوفر على زوج سراجم كبار كيخليوها مشمسة نهار كامل.
الحمام: الحمام الأول مزلج كامل منظم بشكل جميل الفاسك مفصول على الطواليط بباب .
* ودابا نكتاشفو الطابق الأرضي لي مكون من حمام وصالون وكوزينة وغرفة .
الحمام: الحمام الثاني فالفيلا مكيختلفش على الأول بنفس التصميم مزلج بزليج عصري وحتى الفاسك مفصول على الطواليط .
* وهنا كاين سيجور لي تقدرو تزينوه بديكورات أو جليسة صغيرة .
الصالون2: هذا الصالون الثاني حتى هوكيتميز بمساحة كبييرة مفرش بستيل تقليدية بألوان جميلة ومتناسقة بالإضافة لطابلة للأكل وممكن تعوضوها بديكورات لي توالم التفريشة.
الغرفة2: الغرفة الثانية عندا تصمم بسيط المساحة ديالها تقدر تستوعب سرير مع كوافوز وبلاكار أيضا كتوفر على سرجم عالي لي كيعطيها الإضاءة والتهوية.
الكوزينة: جميلة كتميز بستيل عصري نيق مزلجة كاملة كتوفر على جميع الأجهزة وأيضا ضايرة كاملة ببلاكارات بجودة عالية من نوعية MDF فاللون الأاحمر .
* المساحة د الكوزينة كبيرة تقدورو تزيدو فيها طابلة للأكل أو تخصصولها بلاصة فالجردة وتستمتعو بهاذ المنظر الجميل.
* هادي الجردة الثانية تقدرو تخرجو ليها من الكوزينة أو الصالون أو تنزلو من الفوق مزينة بنبتات ولي زادها جمالية هو المسبح لي مجهز مزيان.
* الوضع القانوني للفيلا محفظة مساحتها 567 متر مكونة من ثلاث طوابق كتوفر على 5 غرف و2 صالونات و4 دالحمامت وكوزينة كبيرة وجردة كبيرة مجهزة بمسبح بالإضافة لسطح.
* هذا الطابق الثاني للفيلا مخصص للغرف كيتوفر على ثلاثة دالغرف وحمام بالإضافة لسيجور صغير.
الغرفة 3: الغرفة الثالثة مكتختلفش على باقي الغرف حتا هي بنفس المساحة كتوفر على بلاكار كبير فالحيط وجات شوكة عندا جوج سراجم كبار لي كيخليوها مشمسة ومهوية نهار كامل.
الغرفة 4: وهي الرئيسية كتوفر على حمام خاص بيها مزلج كامل بزليج عصري مجهز ومنظم بشكل جميل وكيتوفر على حوض استحمام.
* الغرفة عندا فنسيون بسيطة مساحتها تستوعب سرري كبير مع الكوفوز وأيضا مشمسة مزيان كتوفر على بالكون بإطلالة على الجردة كيخليها مشمسة ومعوية نهار كامل.
الحمام3: هذا الحمام الرئيسي فالطابق التاني كيتميز بالتنظيم ومجهز بشكل عصري كيتوفر على دوش مفصول بالزاج .
الغرفة5: متيسعة مكتختلفش على باقي الغرف بنفس التصميم والبساطة بالإضافة لكتوفر على بلاكار فالحيط ومشمسة مزيان بتوفر على سرجم كبير .
* هذا السطح د الفيلا كبير كيتيمز بإطلالة رائعة على الجبال .
الفيلا زوينة بزاف مجهزة بستيل عصري وأهم ما كيميزها أنها جات شوكة كتوفر على 3 د الوجهات لي كيخليها مشمسة نهار كامل وأيضا مجهزة كاملة بالكليماتيزور ودابا مبقالي غير نعطيكم ثمنها لي هو 310 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
