السلام عليكم متابعي شركة أمرتيل للتسويق العقاري كنتمنا تكونو بخير وعلى خير اليوم جبنا ليكم شقة للبيع فحي ميكسطا بمدينة مرتيل.
* الشقة قريبة للمرافق الأساسية محلات تجارية ومؤسسات تعليمية والمقاطعة والمسجد والسوق.
* الشقة كاينة فالطابق الرابع بعمارة مكونة من أربع طوابق وكل طابق فيه 5 شقق.
الإقامة مجهزة بكاميرات للمراقبة.
الصالون: فمدخل الشقة كنلقاو صالون متيسع مفرش بطريقة جميلة وبسيطة كيتوفر على سرجم كبير للإضاءة والتهوية.
الغرفة1: هادي الغرفة الأولى بمساحة كبيرة تقدر تستوعب سرير وناموسية أو تخصصوه كبيت للجلاس.
* الغرفة كتوفر على بالكون فيه أسلاك للنشير وفنفس الوقت كيساعد فتهوية الغرفة والإضاءة .
* الشقة عندها واجهتين الشي لي كيخليها مشمسة نهار كامل.
الغرفة2: هادي الغرفة الثانية حتى هي كتميز بمساحة كبيرة مفرشة بثلاثة د الناموسيات وطبعا عندها سرجم للإضاءة.
الحمام: الحمام مزلج كامل ومجهز بدوش مفصول باب من الأليمنيوم.
* الوضع القانوني للشقة ملكية مساحتها 75 متر مكونة من 3 د الغرف وصالون وكوزينة وحمام بالإضافة لشرفتين.
الغرفة3: الغرفة الثالثة مكتختلفش على باقي الغرف فالمساحة مفرشة بسرير مع الكوافوز.
* الغرفة كتوفر على بالكون مجهزعلى شكل غرفة صغيرة فيها بلاكار كبير فالحيط.
الكوزينة: الكوزينة متيسعة تستوعب جميع الأجهزة أيضا كتوفر على بلاكارت من الخشب.
* الكوزينة عندها بالكون كيطل على بهو الإقامة وفيها بلاصة للسخان ولماكينة الصابون.
الدار من بين الشقق لي المساحة ديالهم كبيرة كيتوفرو على ثلاثة د الغرف وجات وسط المدينة قريبة لجميع لي تحتاجو ودابا مبقالي عير نعطيكم ثمنها لي هو 32 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
طاقم أمرتيل كيشكركم على متابعة العرض وتشجيعاتكطم ودابا نخليكم مع إعلان البناء التشاركي لي كنصحك تابعو حتى للأخير. ..
