السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة، اليوم جبنا ليكم شقة بمساحة كبيرة قرب بومبا د إيسو بمدينة تطوان.
الشقة قريبا لجميع المرافق المهمة المحلات التجارية المؤسسات التعليمية الأاسواق والمواصلات والأبناك أيضا قريبة على أهم شارع فمدينة تطوان لي هو شارع الجيش الملكي.
الشقة كتواجد بعمارة مكونة من ست طوابق كل طابق فيه شقتين مجهزة بالممصعد وبكاميرات للمراقبة بالإضافة لحارس على مدار الساعة.
الإقامة كتوفر على بركينغ كبير وصاحب الشقة عندو بلاصة خاصة به وداخل فالوراق ديال الشقة.
السيجور: فمدخل الشقة كنلقاو سيجور متيسع مفرش بفطويات مصبوغ بالعنبرة فالبيج والسقف مزين بزخرفة جميلة من الجبس
الصالون: الصالون متيسع حتى هو مصبوغ بالعنبرة ومفرش بستيل أنيق .
* السقف د الصالون مزين بالجبس بزخرفة جميلة وكتوفر على سرجم كبير لي كيعطيه الإضاءة والتهوية.
الحمام1: الحمام الأول بمساحة كبيرة مجهز مزيان كيتوفر على دوش كبير مفصول بباب من الزاج .
الغرفة1: هادي الغرفة الأولى عندها مساحة كبيرة مفرشة بزوج ناموسيات مع ماريو كبير .
* الغرفة كتوفر على بالكون كبير مزين بنبتات وفنفس الوقت كيخلي الغرفة مهوية.
*كاين هاد البلاصة فوسط الشقة لي ممكن تزينوها بديكورات أو تعملو فيها طابلة للأكل.
الوضع القانوني للشقة محفظة مساحتها 136 مكونة من سيجور وصالون وثلاث غرف وكوزينة وزوج حمامات بالإضافة لشرفتين.
الكوزينة: الكوزينة كتميز بمساحة كبيرة وتجهيز أنيق كتوفر على جميع ألاجهزة ضايرة كاملة ببلاكارات دالخشب بجودة ممتازة.
المساحة ديال الكوزينة كبيرة فتقدرو تعملو فيها كليسة صغيرة بلي فطوي وطبعا عندها سرجم كبير لي كيساعد فالتهوية ديالها.
الغرفة2: هادي الغرفة الثانية متيسعة مصبوغة فالرمادي بالياقوتة ، الغرفة مجهزة كبيت للجلاس .
* الدار مجهزة كاملة بالكليماتيزور.
الغرفة3: أو الغرفة الرئيسية كتميز بمساحة كبيرة لي تستوعب سرير وكوافوز ايضا كتوفر على جوج بلاكارات فالحيط كبار .
هذا البالكون ديال البيت مجهز حتا هو ببلاكار من الأليمنيوم لوضع الأعراض.
هذا الحمام خاص بالغرفة كبير مزلج كامل كيتوفر على فاسك موبلي وعلى دوش عصري وبتصميم راقي .
ودابا مبقالي غير نعطيكم ثمن الشق لي هو 120 مليون قابل للنقاش .
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
طاقم أمرتيل كيشكركم على متابعة العرض ودابا نخليك مع هاد الفاصل الإشهاري.
