السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة، اليوم غنقدمو ليكم شقة جميلة للكراء اليومي بإقامة عصرية راقية بكورنيش مرتيل.
المجمع قريب للمقاهي ومدينة الألعاب والمحلات التجارية والمواصلات والسوق والمسجد.
المجمع كيتوفرعلى مسبح مع جردة ضايرة بجليسات جميلة للإستمتاع بالإضافة لفضاء الألعاب.
الصالون: فمدخل الشقة كنلقاو صالون مفرش بطريقة عصرية جميلة بفطويات كيتوفر على سرجم كبير بإطلالة على الجردة
الحمام: الحمام مزلج ومجهز مزيان.
الكوزينة: الكوزينة مجهزة بجميع الاجهزة لي تحتاجوها ثلاجة وماكينة د الصابون وفران.
* الشقة كاينة فالطابق الأرضي بعمارة مكونة من أربع طوابق .
الغرفة1: هاذدي الغرفة الأولى مفرشة بزوج ناموسيات وكتوفر على بلاكار فالحيط.
الحمام2: الحمام الثاني مجهز مزيان كيتوفر على فاسك موبلي ودوش مفصول بباب من الزاج.
مساحة الشقة 98 متر مكونة من غرفتين وصالون وحمامين كوزينة وطيراس كبيرة .
الغرفة2: هادي الغرفة الثانية متيسعة مفرشة بناموسية مع الكوافوز ديالها بالإضافة لبلاكار.
* الشقة كتوفر طيراس كبيرة بإطلالة على الجردة والمسبح ولي تقدر تخرجلها من جميع غرف الشقة وحتى الصالون والكوزينة .
الإقامة آمنة وكتوفر على حراس على مدار الساعة ومجهزة بكاميرات للمراقبة بالإضافة لبركينغ كتوفر على جميع وسائل الراحة لقضاء العطلة ودابا مبقالي غير نعطيكم ثمنها لي هو 1100 درهم وطبعا الثمن المعتمد هو الموجود فموقع أمرتيل . كوم . .
