السلام عليكم متابعي شركة أمرتيل للتسويق العقاري كنتمنا تكونو بخير وبأفضل حال اليوم غنقدمو ليكم شقة للبيع بكوزرنيش مدينة مرتيل.
الشقة قريبة لجميع المرافق الاساسية المحلات التجارية السوق المؤسسات التعليمية المواصلات المقاهي والمطاعم.
البرطما كاينة فعمارة مكونة من ثلاث طوابق كل طابق فيه أربع شقق مجهزة بالمصعد والبركينغ .
* هذا المدخل دالشقة مزين بديكورات جميلة لي عطاتو جمالية خاصة .
الصالون: هذا الصالون مفرش بتفريشة تقليدية جميلة بألوان متناسقة ،مشمس مزيان كيتميز بتصميم كيجمع ما بين التقليدي والعصري وبديكورات راقية.
الصالون كيتوفر على بالكون بإطلالة جميلة مجهز بجليسة لي تقدرو تفطرو فيها وتستمتعو بالإطلالة.
الكوزينة: كتميز بتصميم عصري مفتوحة على الصالون مجهزة ببلاكارت دالخشب بجودة ممتازة وبمساحة لجميع الاجهزة .
* الوضع القانوني للشقة ملكية بمساحة 54 متر مكونة من صالون وغرفتين وبالكون وزوج حمامات بالإضافة لكوزينة بتصميم عصري .
* الشقة كتوفر على زوج حمامات هذا الأول مزلج كامل مجهز مزيان .
* هذا الثاني عبارة عن دوش مفصول على الطواليط حتا هو مزلج كامل ومجهز بطريقة عصرية.
الغرفة1: هادي الغرفة الأولى متيسعة مفرشة بسرير مع الكوافوز ماريو وكتوفر على سرجم للإضاءة والتهوية.
الغرفة2: هادي الغرفة الثانية بمساحة متوسطة مجهزة بسرير مع الكوافوز ديالها بالإضافة لسرجم صغير.
الشقة جميلة جات فموقع ممتاز قريب لجميع المرافق الأساسية وأيضا ممتازة للإستثمار تقدر تشريها وتستثمر فيها فالكراء اليومي فالصيف ودابا مبقالي غير نعطيكم ثمنها لي هو 65 مليون قابل للنقاش.
إذا عجباتك هاد الشقة وبغيتي تشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض
