السلام عليكم متتبعي شركة أمرتيل للتسويق العقاري كنتمنا تكونو بخير وبصحة جيدة معاكم ليلى من طاقم أمرتيل اليوم جبنا ليكم شقة جميلة أنيقة فموقع مميز وبثمن مناسب ، الشقة لي غنعرضو عليكم كتواجد بحي ميكسطا بمدينة مرتيل قريبة من جميع المرافق الضرورية، محالات تجارية ،مسجد الملحقة الإدارية والوقاية المدنية والمقاهي والمساحات الخضراء.
الصالون: فمدخل الشقة كنلقاو صالون كبير ومتيسع مصبوغ بصباغة الستيكو فالأبيض والسيمون ألوان مبهجة وحيوية، الصالون مفرش بطريقة تقليدية جميلة وأنيقة فاللون البرتقالي والأاحمر ألوان الطاقة والفرح الصالون مشمس مزيان ومهوي بحيث كيتوفر على سرجم كيطل على الشارع ، الحيط ىديال التلفازة مصبوغة بصباغة الياقوتة فاللون السيمونلي زاد لمسة رائعة فخمة على الصالون.
الكوزينة: صاحب الشقة قام بتغير الكوزينة من كوزينة عادية لمطبخ بستيل أخمريكي عصري أنيق وجذاب لي ولا من الأختيارات المفضلة عند الأغلبية وكيضيف لمسة جميلة على الشقة، الكوزينة متيسعة مجهزة ببلاكارات كبار كيما كتلاحظو يتساعو لجميع الأواني ، أيضا ثلاجة وفران وبوطاجي إلكتريك الكوزينة كيما كتشوفو متيسعة تساع لجميع الأاجهزة ومنظمة بطريقة جميلة كتوفر على بالكون صغير فيه ماكينة ديال الصابون والسخان ديال الضو أيضا الأغراض والمستلزمات البالكون مغلق لكن كيتوفر على على سرجم كيطل من الجهة الثانية للشارع الشي ليكيساعد فالتهوية دالكوزينة ويخليها مشمسة.
الشقة: الشقة كتواجد فالطابق الثالث بعمارة مكونة من أربع طوابق، الحالة القانونية ديالها محفظة مساحتها 40 متر مكونة من صالون وغرفة ومطبخ مع بالكون وحمام. الشقة لي كتوفر على واجهتين مطلتين على الشارع لي كيخليها مشمسة
الغرفة: الغرفة الرئيسية مصبوغة فاللون الأزرق، كتوفر على مساحة كبيرة تستوعب سرير كبير وكوفوزات مع ماريو كبير فالحيط كيتساع للملابس وأيضا حتى للأغطية الغرفة كتوفر على سرجم كبير مطل على الشارع.
الحمام: الحمام كيما كتشوفو عاودو الإصلاح ديالو كامل بداية من الزليج زادو فيه رفوف من الأليمنيوم والدوش فصلوه على الطواليط بباب من الأليمنيوم، وحتى الباب الرئيسي حيديو دالخشب وردو بابا كوليس من الأليمنيوم.
الشقة كيما شاهدتو جميلة وراقية واخا كتنتمي للسكن الإقتصادي لكن مولاها قام بالعديد من التغيرات والإصلاحات لي رجعتها شقة عصرية رائعة الشقة كتباع بالفراش وبكل الأجهزة لي كتوفر عليهم أيضا الموقع دالشقة ممتاز للإستقرار وحتى للإستثمار من أجل الكراء .
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
وبهذا أعزائي كنكونو وصلنا لنهاية العرض طاقم أمرتيل كيشكركم على المتابعة وإلى اللقاء فعرض جديد .
