السلام عليكم متتبعي شركة أمرتيل للتسويق العقاري معاكم ليلى من طاقم شركة امرتيل كنتمنا تكونو بخير وبصحة جيدة، اليوم غنقدمو ليكم شقة بإطلالة رائعة بانورامية على أحد أفضل الشواطيء في المغرب شاطئ مدينة مرتيل، الشقة كتواجد فكورنيش مرتيل موقع مثالي للإستقرار وأيضا للتخييم تابعو الفيديو معايا للأخير ومتنساوش تشتاركو فقناة أمرتيل وتفعلو الجرس باش توصلو بكل جديد .
الشقة كتواجد فالطابق الربع وهادو الدروج ديال العمارة نظاف وأمام باب الشقة مزين بمحيبقات صغار .
الصالون: فمدخل الشقة كنلقاو جوج صالونات مفتوحين على بعض الشي لي عطاهم مساحة كبيرة ودقدرو دفرشو كل واجد بوحدو أو دفرشوهم بزوج بستيل عصري أو تقليدي.
كيما كتلاحظو الشقة عامرة بلوحات فنية ورسومات فكل بلاصة بالإضافة الألوان فصاحب الشقة محب للرسم والألوان لي كتضيف لمسة جميلة وخاصة على الشقة كاملة.
البالكون: كبير وحتى هو مزين بروسومات عندو إطلالة رائعة وساحرة متسخاش بيها على زرقة البحر والجبال ونتا جالس فالبالكون ونيسم البحر كيوصل حتى لعندك كيما كتشوفو الجليسة فيه مريحة ورائعة.
الشقة: الحالة القانونية للشقة ملكية لكن الأرض لي مبنية عليها محفظة مساحتها 65 متر مكونة غرفة وصالونين وكوزينة وحمام وبالكون كبير الشقة كتواجد فالطابق الرابع .
الغرف1: الغرفة كتوفر على مساحة كبيرة فاللون الأحمر مساحة الغرفة تستوعب سريروماريو كبير وكوفوزات الغرفة كتوفر على سرجم لي كيخليها مشمسة طول النهار .
الكوزينة: الكوزينة مزلجة حتى للسقف ضايرة كاملة ببلاكارات من الخشب مساحتها كتستوعب جميع الأجهزة أيضا كاين باطيو لوضع الأغراض وكيساعد فالتهوية ديالها.
الحمام: متيسع منظم بطريقة جميلة مزلج حتى للسقف كيتوفر على سرجم للتهوية اللازمة.
الشقة كيما شاهدتو جميلة بإطلالة بانورامية على شاطئ مرتيل، الشقة كتعتبر مشروع مربح للكراء خاصة ففصل الصيف بحيث كيوصل ثمن الكراء فليلة واحدة ل 1200 درهم ودابا وصلنا لأخر ومبقالي غير نقولكم ثمن الشقة لي هو 65 مليون قابل للتفاوض .
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
إذا عندك عقار فمدينة مرتيل تطوان الفنيدق طنجة وادلو والنواحي، سواء للكراء أو للبيع ماعليك غير تواصل معانا وغادي نساعدوك تلقا الشاري أو الكاري فأقرب وقت رقمنا الهاتفي موجود Amartil.com
وبهذا أعزائي كنكونو وصلنا لنهاية العرض طاقم أمرتيل كيشكركم على المتابعة وإلى اللقاء فعرض جديد .
