السلام عليكم متابعي شركة أمرتيل للتسويق العقاري كنتمنا تكونو بخير و بأفضل حال، اليوم جبنا ليكم شقة بتصميم عصري راقي فمدينة الفنيدق.
* الشقة كتواجد فشارع الجيش الملكي فالفنيدق قريبة من جميع المرافق المهمة والمؤسسات التعليمية المسجد الصيدلية والمساحات الخضراء والسوق، ايضا قريبة من الكورنيش وشاطئ الريفين.
* العمارة جميلة ونظيفة مجهزة بكاميرات للمراقبة وخاصية الويفي الفيبروبتيك وكتوفر على حارس على مدار الساعة.
الصالون: متيسع مصبوغ بصباغة حديثة فالبيج وكتميز بتفريشة عصرية بفطويات فالرمادي لي كيتعتبر من الألوان الحيادية وطبعا كاين السرجم لي كيعطيه الإضاءة والتهوية.
* وهنا كاين هاد الجليسة الأنيقة مع التلفازة وهادشي كيبين أهمية استغلال المساحات.
الكوزينة: الكوزينة متيسعة ومجهزة بشكل عصري وكتميز بالتنظيم كيما كتشوفو مزلجة كاملة ومجهزة ببلاكارات بجودة عالية ومساحتها كتستوعب جميع الأجهزة بالإضافة لطابلة للأكل.
* الكوزينة كتوفر على بالكون كبير مجهز ببلاصة لماكينة الصابون ولتخزين الأغراض.
* الدار كاينة فالطابق الأول بمساحة 66 متر محفظة مكونة من صالون وغرفة مع حمام خاص بيها وكوزينة وحمام بالإضافة لشرفتين.
الحمام: الشقة كتوفر على زوج حمامات وهذا الحمام الأول مزلج فالأيض والأزرق وكيتوفر على بلاكار من الخشب.
* الشقة عندا واجهة وحدة بإطلالة على الشارع كتخليها مشمسة نهار كامل.
الغرفة: الشقة كتوفرعلى غرفة واحدة عندا حمام خاص بيها مزلج ومنظم بستيل عصري أنيق كيتوفر على على دوش مفصول بالزاج وعلى فاسك موبلي وسرجم للتهوية.
* مساحة الغرفة كبيرة مفرشة بسرير مع كوفوز وجليسة صغيرة وكيتوفر على بلاكار كبير من الخشب بنوعية ممتازة.
* الغرفة مصبوغة فالبيج بصباغة حديثة وكتوفر على بالكون كبير بتصميم عصري مجهز بجليسة صغيرة راقية.
* العمارة كتوفرعلى بركينغ صوصول لي ممكن دشريو بلاصة خاصة بيكم.
* موقع الشقة جميل وقريب لكل ما تحتاجو أيضا قريب من البحر فممكن تشريها ودستثمر فيها فالكراء خاصة أنه معروف على الفنيدق مدينة سياحية وكتعرف رواج كبير ووفود العديد من السياح المغاربة وحتى الأجانب.
الدار كتميز بتصميم عصري راقي صاحبها شرها وعاود الإصلاح ديالها كاملةحتى الصباغة والزليج ودابا مبقالي غير نعطيكم ثمنها لي هو 65 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.....
