السلام عليكم متابعي شركة أمرتيل للتسويق العقاري كنتمنا تكونو بخير وعلى خير وبصحة جيدة، اليوم جبنا ليكم شقة بتصميم عصري راقي فأحد أشهر الأحياء بمدينة تطوان هو حي الولاية.
* الدار قريبة من جميع المرافق الأسااسية المراكز التجارية وجميع المصالح الإدارية والمسرح بالإضافة للمساحات الخضراء وفضاء للعب.
* العمارة جميلة و أنيقة مزلجة كاملة ومزينة بالمرايات وحتى السقف مزين بزخرفة من الجبس لي عطا لمسة من الرقي للعمارة.
مدخل الشقة جميل ومجهز بطريقة عصرية كيعطيها لمسة من الرقي والفخامة.
الصالون1: الصالون كيتميز بمساحة كبيرة بتفريشة تقليدية أصيلة ومصبوغ فالبيج لي كيتماشا مع ألوان التفريشة وعطاو هاد اللوحة الرائعة، وحتى الزخرفة د الجبس فالسقف مع الثريات زاد ومن جماليتو
*الصالون كيما كتشوفو جا شوكة كيتوفرعلى 3 د السراجم كبار كيخليوه مشمس ومهوي طول النهار.
الصالون2: الصالون الثاني مفرش بستيل عصري فطويات فاللون الأسود مع لوحات فنية لي عطاتو لمسة من الرقي.
* الدار عندا واجهتين كتبقا مشمسة ومهوية نهار كامل أيضا مجهزة كاملة بالكليماتيزور.
الغرفة 1: الغرفة الأولى متيسعة مفرشة بناموسية كبيرة مع فطويات فالبني، و السقف مزين بزخرفة جميلة من الجبس، الغرفة كتوفر على بلاكار كبير من الخشب من نوعية ممتازة وهو من أغلى أنواع الخشب.
* الشقة كاينة فالطابق الأول بعمارة مكونة من 5 طبقات وكل طبقة فيها شقتين.
الغرفة2: هادي الغرفة الثانية كبيرة مجهزة بطريقة جميلة وراقية مفرش بزوج ناموسيات مع كوافوز بالإضافة لبلاكار كبير فالحيط وحتى هو من خشب الروكو . وطبعا الغرفة كتوفر على سرجم كبير لي كيعطيها الإضاءة و التهوية.
* الدار ملكية مساحتها 93 متر مكونة من 2 صالونات وغرفتين وكوزينة وحمام.
الحمام: الحمام مزلج كامل فالابيض و الأزرق مجهز مزيان ببلاكارات كبار أيضا كيتوفر على حوض استحمام.
الكوزينة: كتميز بمساحة كبيرة مزلجة كاملة ببلاكارات كبار من الخشب الممتاز، الكوزينة كتميز بالتنظيم ومساحتها كتستوعب جميع الاجهزة.
حي الولاية من أرقى الأحياء لي كاينة فتطوان، كيتوفر على جميع المصالح الإداري لي خلاوه معروف بالحي الإداري.
الشقة كتميز بتصميم عصري راقي وحتى الموقع ديالها مثالي للإستقرار معروف بالهدوء والأمن ديالو ودابا مبقالي غير نعطيكم الثمن، الشقة كتباع بالفراش بثمن 114 مليون و 104 د المليون بلا فراش وطبعا الثمن قابل للنقاش
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
..........
