السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة، اليوم جبنا ليكم شقة راقية بتصميم عصري للبيع قرب ساحة الجامعة العربية.
الدار قريبة لجميع المرافق لي تحتاجوها المحلات والمراكز التجارية الكبرى المؤسسات التعليمية العمومية وحتى الخصوصية قريبة أيضا على ساحة الجامعة العربية والمساحات الخضراء بحال رياض تطوان.
الشقة كتواجد فالطابق الأول بعمارة مكونة من خمس طوابق ومجهزة بالمصعد وكاميرات للمراقبة.
سيجور : فمدخل الشقة كنلقاو سيجور جميل مجهز بطابلة من الخشب الممتاز وأكثر ماكيميزالمدخل هو الثريا والجبس.
الصالون: الصالون كيتميز بمساحة كبيرة مصبوغ بالياقوتة والسقف مزين بالجبس والليد.
الصالون مفرش بستيل تقليدي راقي وبألوان هادئة ومناسقة .
الصالون مشمس مزيان كيتوفر على سرجم كبير بإطلالة على الشارع كيعطيه الإضاءة والتهوية .
* قبالت الصالون كاين البلاصة المخصصة للتلفازة لي مزين بديكور لي كيتعتبر من الديكورات الحديثة والرائجة وكضيفلمسة خاصة على المكان.
البالكون: هذا البالكون صغي الإطلالة ديالو على الشارع وكيساعد فالإضاءة والتهوية دالشقة .
* الوضع القانوني للشقة محفظة مساحتها 119 متر مكونة من سيجور وصالون و3 د الغرف وكوزينة وحمام بالإضافة لبالكون وباطيو.
الغرفة1: الغرفة الأولى متيسعة عندها تصميم عصري راقي.
المساحة ديالها تستوعب سرير مع كوافوز وعندها بلاكار كبير فالحيط بالأليمنيوم.
الحمام: متيسع مزلج كامل بزليج بزليج جديد ونوعية ممتازة وكيما كتشوفو منظم مزيان وكيتوفر على دوش عصري مفصول بباب من الز اج.
الغرفة2: هادي الغرفة الثانية متيسعة مخصصة للجلاس مفرشة بطريقة تقليدية جميلة.
* الغرفة كتوفر على سرجم كبير لي كيعطيها الإضاءة.
موقع الدار هادئ وآمن من أفضل الأحياء لي كاينة فطنجة قريب لجميع المرافق لي تحتاجو.
الغرفة3: هادي الغرفة الثالثة كتميز بمساحة كبيرة عندها فصالة وديكور عصري جميل
* كاين هنا هاد البيت صغير لي تقدرو تردوه درسينغ وغادي تبقا ليكم مساحة زايدة فالغرفة وتعملو فيها جليسة.
* البيت كيما كتشوفو مشمس مزيان ومهوي كيتوفر على بالكون كبير بإطلالة على الشارع تقدرو تنشرو فيه أو تجهزوه بجليسة .
الكوزينة: الكوزينة متيسعة مزلجة كاملة ومجهزة مزيان كتوفر على بلاكارات بجودة عالية.
* الكوزينة عندها باطيو كبير مزلج كامل فيه بلاصة للسخان وماكينة الصابون وتقدرو تخزنو فيها الأغراض ديالكم وأيضا كتساعد فالتهوية دالكوزينة.
* العمارة كتوفر على بركينغ كبير وتقدروتكريو بلاصة فيه والخلاص كيكون بالشهر .
الدار جميلة كتميز بتصميم عصري راقي ممزوج بين العصري والتقليدي لي عطا للشقة فخامة وأناقة.
الدار كتباع بالفراش ديالها من غير بعض الأغراض الشخصية ودابا مبقالي غير نعطيكم ثمنها لي هو 149 مليون قابل للنقاش.
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
