السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة وفأفضل حال، اليوم جبنا ليكم شقة للبيع بمساحة كبيرة فأشهر شوارع تطوان شارع الجيش الملكي .
* الشقة قريبة لجميع المرافق المهمة المحلات والمراكز التجارية الكبرى بحال مرجان والمؤسسات التعليمية ومراكز اللغات والعيادات الطبية والمقاهي والمطاعم الراقية.
* الدار كاينة فعمارة مجهزة بالمصعد ومكونة من تسع طوابق كل طابق فيه شقتين .
* فمدخل الشقة كنلقاو جوج صالونات كبار مفتوحين على بعض.
الصالون1: هذا الصالون الأول كبير مفرش بستيل تقليدي جميل وبألوان متناسقة مع صباغة الحيط وكيتوفر على سرجم للإضاءة والتهوية.
الصالون2: الصالون الثاني حتى هو كيتوفر على مساحة كبيرة مفرش بفطويات جميلة وبألوان راقية وأيضا كاين سرجم للإضاءة .
* الصالونات بزوج كيتميزو بمساحة كبيرة وتفريشة لي متناسقة مع الديكورات وحتى المساحة.
هنا كاين سيجور متيسع مجهز بطابلة مع بلاكارات كبار دالخشب للأغراض والديكورات.
الكوزينة: الكوزينة كتميز بمساحة كبيرة كيفما كتفضلها أي مرا فالدار ديالها مجهزة ببلاكارت لفوق ولتحت وبجميع الجهزة الضرورية وأيضا كاينة حتى طابلة للأكل.
* الشقة كاينة فالطابق الخامس الوضع القانوني محفظة مساحتها 135 متر مكونة من سيجور و2 صالونات و3 د الغرف وجوج حمامات وكوزينة وشرفتين .
الغرفة1: هادي الغرفة الأولى كبيرة مفرشة بناموسية كبيرة مع الكوافوز وماريو وبطبيعة الحال كاين سرجم للإضاءة.
الغرفة2: الغرفة الثانية متيسعة كتستوعب جوج ناموسيات باللإضافة لجوج بلاكارات كبار .
* الغرفة عندا سرجم وبالكون كيطل على بهو العمارة ومجهز بأسلاك للنشير.
*شارع الجيش الملكي واحد من أحسن وأرقى الشوارع فمدينة تطوان وهو القلب النابض للجهة الشرقية للمدينة معروف بالأمن والهدوء وكيتوفر على جميع المرافق لي تحتاجو.
الحمام: الشقة عندا زوج حمامات هنا كاين طواليط بوحدو مزلج كامل ومجهز مزيان.
* هذا الحمام الثاني متيسع مجهز ومنظم بشكل جميل عندو دوش بمساحة كبيرة مفصول بباب من الأليمنيوم.
* الدار عندا جوج واجهات كيخليوها مشمسة ومهوية نهار كامل .
الغرفة3: هادي الغرفة الثالثة كتميز بمساحة كبيرة مفرشة ببناموسية مع الكوافوز ديالها .
* الغرفة كتميز بتوفرها على بالكون لي مسدود ومجهز بفطويات والإطلالة ديالو جميلة.
الشقة كتباع بالفراش ديالها وأيضا كاين إمكانية تباع بلا فراش الموقع ديالها متميز بزاف هو من أفضل الشوارع لي كاينة فتطون وقريب لجميع المرافق الأساسية .
تقدرو تشريو الشقة وتستثمرو فيها مثلا لمركز للغات أو عيادة طبية موقع كيعرف رواج وحركة تجارية مستمرة ودابا مبقالي غير نعطيكم ثمن الشقة لي هو 150 مليون قابل للنقاش .
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
ويلا عندك شي عقار ف جهة طنجة تطوان متنساش العرض اللي عطيناك ف الفاصل الإشهاري.
