السلام عليكم متابعي شركة أمرتيل للتسويق العقاري كنتمنا تكونو بخير وبأفضل حال، اليوم جبنا ليكم شقة جميلة بتصميم عصري للبيع فحي أم كلثوم بمدينة مرتيل.
* الشقة قريبة ل بزاف لجامعة عبد المالك السعدي والمحلات التجارية والمواصلات والمساحات الخضراء.
* الشقة كاينة فعمارة جددية وصغيرة مكونة من ثلاث طوابق كل طابق فيه شقة وحدة.
الصالون: فمدخل الشقة كنلقاو صالون كيتميز بمساحة كبيرة مفرش بتفريشة تقليدية وبألوا راقية ومتناسقة بالإضافة لصالة مونجي بالخشب بنوعية ممتازة مكونة من ست مقاعد.
* الصالون أيضاكيتوفر على بلاكارات د الخشب حتا هما بجودة ممتازة وبأحجام مختالفة.
الغرفة1: هادي الغرفة الأولى كبيرة تقدرو تفرشوها كبيت للجلاس نظرا للمساحة والتصميم البسيط وأنيق فنفس الوقت.
* الغرفة كيما كتشوفو مشمسة مزيان كتوفر على سرجم كبير لي كيخليها مشمسة طول النهار.
* الشقة كاينة فالطابق الثالث بعمارة صغيرة مكونة من ثلا طوابق .
الحمام: الحمام مجهز بطريقة عصرية مزلج بزليج جديد نوعية ممتازة.
الكوزينة: الكوزينة متيسعة مساحتها تستوعب جميع الأجهزة ايضا مجهزة ببلاكارات د الخشب لفوق ولتحت.
* الكوزينة كتوفر على بالكون كيساعدهالا فالتهوية وتقدرو تعملو فيه ماكينة الصابون.
* الوضع القانوني للشقة محفظة مساحتها 94 متر مكونة من صالون وكوزينة وثلاث غرف وحدة مع حمام خاص بيها بالإضافة للحمام الرئيسي وشرفتين.
الغرفة2: هادي الغرفة الثانية مكتختلفش على الأولى حتا هي كتميز بمساحة كبيرة لي تستوعب زوج ناموسيات وماريو بالإضافة للكوافوزات ديالهم.
* الغرفة كتوفر على سرجم وبالكون بإطلالة على الشارع.
* البرطما عندها واجهتين كيخليوها مشمسة طول النهار.
الغرفة3: الغرفة الثالثة حتا هي متيسعة تستوعب سرير مع الكوافوز وماريو .
الغرفة كتميز بتوفرها على حمام خاص بيها مزلج كامل وبنفس التجهيزات ديال الحمام الاول حتا هو بطريقة عصرية.
الشقة مجهزة بلانصطلاسيون د الكليماتيزور وكذلك العمارة فيها أنصطالصيون ديال الكاميرة.
الدار فموقع هادئ وممتاز تقدرو تخصصوها كسكن ثاني وفنس الوقت داستثمرو فيها خصوصا للطلبة فالموسم الدراسي حيت قريبة بزاف للجامعة بأقل من خمس دقائق .
ودابا مبقالي غير نعطيكم ثمن الشقة لي هو 84.5 وطبعا قابل للنقاش
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
طاقم أمرتيل كيشكركم على متابعة العرض.
