السلام عليكم متابعي شركة أمرتيل للتسويق العقاري كنتمنا تكونو بخير وبصحة جيدة، اليوم جبنا ليكم شقة جميلة للبيع بحي رياض صوفيا فمدينة مرتيل.
الشقة قريبة على جميع المرافق لي تحتاجو المحلالت التجارية المسجد والمؤسسات التعليمية والمقاهي.
البرطما كتواجد فعمارة مكونة من ثلاث طوابق كل طابق فيه ثلات شقق .
الصالون: فمدخل الشقة كنلقاو صالون متيسع مفرش بتفريشة تقليدية جميلة وبلون أنيق
* الصالون مشمس مزيان كيتوفر على سرجم كيعطيه الإضاءة طول النهار.
* قبالت الصالون كاين سيجور صغير لي ممكن تزينوه بديكورات لي تزد للمدخل جمالية.
الغرفة1: هادي الغرفة الأولى بتصميم بسيط مفرشة بزوج ناموسيات وتقدرو تزيدو حتا ماريو متوسط الحجم.
* الغرفة كتوفر بالكون لي كيعطيها الإضاءة وتقدرو تستغلوه فالنشير.
الحمام1: هذا الطواليط مزلج كامل ومجهز مزياان.
* الشقة عندها واجهتين كيخليوها مشمسة ومهوية نهار كامل.
الغرفة2: هادي الغرفة الثانية مكتختلفش على الأولى بنفس التصميم مفرشة بسرير كبير مع كوافوز وكاين مساحة لي تقدرو تزيدو فيها ماريو.
*الوضع القانوني للشقة محفظة مسساحتها 58 متر مكونة صالون وغرفتين وكوزينة وطواليط ودوش بالإضافة لشرفتين.
الحمام2: الشقة كتوفر على دوش معزول على الطواليط مزلج بنفس الزليج كيتوفر على فاسك فيه بلاكار بالأليمنيوم.
الكوزينة: الكوزينة متيسعة مساحتها كتتوعب جميع الأجهزة كتوفر على بلاكارات دالخشب لتحت.
* الكوزينة عندها بالكون صغير لي كيساعد فالتهوية ديالها وبعض الأغراض.
الشقة متواجد فموقع هادئ وآمن وكيعرف ازدهار كبير ف السنوات الأخيرة بسبب ظهور الكثير من الأنشطة التجارية و المشاريع فيه, اللي غادي يخليوه واحد من أهم الأحياء ف مدينة مرتيل.
ودابا مبقالي غير نعطيكم ثمنها لي هو47 مليون قابل للتفاوض .
إذا عجباتك هاد الشقة وبغيتي دشريها فماعليك غير ضغط على الرابط الموجود فصندوق الوصف غادي ينقلك الإعلان الموجود فموقع أمرتيل .كوم غتلقى جميع المعلومات كتابة وأيضا رقم للتواصل معنا.
فضلا وليس امرا إذا كتعرف شي صديق اوشي حد من العائلة باغي يشري شقة فالشمال شارك معاه رابط هاد العرض.
طاقم أمرتيل كيشكركم على متابعة العرض
